ENQERE - Mîlîtanê Devrîmcî Yolê ku li Tirkiye kesê herî dawî rastî cezayê îdamê hat Hidir Aslan, 34 sal berê îro got "Ger ku mirin bi wate be, mirin jî bi qasî jiyanê xweş e" û meşiya ber sêdarê. Aslan, 34 sal berê beriya bê darvekirin gotibû: "Ger ku mirov ji bo tişta xweş û baş bijî, bedelên ku nede ber çavan tune ye. Mirin jî êdî hêsan dibe. Ger ku mirin bi wate be bi wasî jiyanê xweş e."
Li Tirkiye di navbera salên 1920 û 1984'an de bi biryarên Dadgeha Îstiklalê 15 jê jin, bi giştî 712 kes hatin darvekirin. Di nava van kesên hatin darvekirin di bin darbeyên leşkerî de piştî darbeya 27'ê Gulana 1960'an ku Serokwezîr Adnan Menderes û wezîrên wî Fatîn Ruştu Zorlu û Hasan Polatkan hatin darvekirin û piştî muhtiraya 12'ê Adara 1971'an kesên şoreşger Denîz Gezmiş, Yusuf Aslan û Huseyin Înan hatin darvekirin, herî dawî di 25'ê Kanûna 1984'an de kesê herî dawî hat darvekirin Hidir Aslan bû. Aslan ê li Girtîgeha Girtî ya Burdurê girtî bû, ji doza Devrimcî Yolê dihat darizandin. 34 sal berê piştî Hidir Aslan hat darvekirin êdî li Tirkiye bi awayekî fîîlî mirov nehatin darvekirin. Hidir Aslan, di sala 1958'an de li Navçeya Xozatê ya Dersimê ji dayik bû. Li Enqereyê lîse xwend. Aslan, dema li Lîseya Kurtuluş û Etlikê lîse dixwend polita nas kir. Di demek kin de tev li xebatên LİSE-DER'ê bû. Aslan, piştî tev li bûyerekê bû hat girtin. 7 mehan girtî ma. Aslan, piştî hat berdan di sala 1978'an de çû Îzmirê li vir bi îdiaya tev li çalakiyekê buye û 3 polîs kuştine der barê wî de biryara girtinê hat dayîn û di sala 1980'an de hatin giritn. Aslan, 4 sal şûnde li Girtîgehê hat bi biryara meclîse û erêkirina Serokomar Kenan Evren hat darvekirin.
Der barê keseyatiya Hıdır Aslan de jinbira wî Meneş Aslan axivî. Meneş Aslan, diyar kir ku li Gundê Taşikli yê Xozatê bi hevre jiyan û wiha got: "Hidir hêj li şîr bû dayika xwe winda kir. Biçîkê malê bû. Ji ber wê me pir jê hez dikir. Me pir jê hez kir. Gelek henek dikir. Her dem rû li ken bû. Wêrek û jîr bû. Her kesî pir ji wî hez dikir. Li dibistanê pir jîr û jêhatî bû. Digot birayê min Aydin xwend ez jî dê bixwînim. Piştî dibistana navîn xelas kir çû Enqere lîse xwend. Piştî çû lîse me carek din nedît. Em niha her tim bi vê êşê dijîn. Piştî Hidir hat girtin dayik û bavê min her dem diçûn ziyareta wî. Her dem bi hêvî û bawerî di axivî. Her dem moralê wî li cih bû. Hevalên wî jî digot Hidir ser dida lê sir nedida."