* Hevserokê HDP'a Wanê Umît Dede, cezakirina Hevşaredarê Wanê Bekir Kaya şermezar kir û got: "Wê ev helwest û sekna hevalên me yên girtî bibe sedema xurtbûyîna muxalefeta civakî."
* Li Girtîgeha Rihayê, Arîna biçûk ku tevî diya xwe Esma Yilmaz girtiye bû 15 mehî. Lê belê ji ber nayê tedawîkirin her diçe rewşa wê xirabtir dibe. Bav Mihdî Yilmaz, bilêv kir ku qawîşa Arîn û hevajîna wê hatiye guherandin û pêdiviyên wê yên sereke nayên dayîn.
* Li Mêrsînê, akademîsyenên bi KHK'yan hatin îxrackirin bi mijara "Peresan"ê dê "Şahiya Zanista Akademiyê ya Zarokan" li dar bixin. Hîndekarên ku şahiyê li dar dixin bal kiaşndin ser perwerdehiya alternatîf.
* Berdevkê Komîteya Krîzê ya EHP'ê Hakan Ozturk, diyar kir ku deynê Tirkiyeyê 456 milyar dolar e û divê di nav salekê de 330 milyar dolar bê dayînç Ozturk got: "Rezervên Bankeya Navendî hemû ancax ji 3 paran parekî vî deynî dike. Yanî rewşa me ji ya Arjantînê jî xirabtir e."
* Parêzer Sezîn Ûçar ku piştî salekê hat berdan, destnîşan kir ku meqama parastinê bi êrîşan re rûberû ye û got: "Tê xwestin parêzertiyê bikin meqameke notertiyê."
* Rojnamevan Erdogan Alayûmat û Nûrî Akman, ji ber wêneyên li sînor kişandibûn bi "sîxurtiya leşkerî" û "endamtiya rêxistinê" hatibûn tawanbarkirin. Lê belê di dadgeha Alayûmat û Akman de, dadgehê ji bo wêneyên hatine kişandin ji Serokatiya Serfermandariyê pirsî bû "ka wêne bi fikare ne yan na", lê belê hîn jî Serfermandariyê bersiv nedaye.
* Xizmên windayan, piştî Kolana Gulîstanê ji bo wan hat qedexekirin, çalakiyên xwe li şaxa ÎHD'ê ya Êlihê li odeyeke 3 metreyî didomînin.
* Baroyên Stenbol û Enqereyê dê îro bi hilbijartinê serokên Baroyan diyar bikin. (10.00)
* Komxebata HDP'ê ya Hilbijartina Rêveberiyên Herêmî dê bi tevlêbûna siyasetmedarên kurd li Amedê berdewam bike. (13.30)