AMED - Parlamentera HDP'ê ya Amedê Dersîm Dag bertek nîşanî girtina 25 siyasetmedarên kurd da û diyar kir ku ev operasyon beriya hilbijartina rêveberiyên herêmî pêk hatiye û dixwazin bi vê yekê HDP'ê bê tesîr bikin. Parêzerê HDP'ê Mehmet Oner jî diyar kir ku ew dê girtina siyasetmedaran îtîraz bikin. 

 

Rêxistina Partiya Demokratîk a Gelan (HDP) ya Amedê, li dijî girtina siyasetmedaran li avahiya HDP'ê civîna çapemeniyê pêk anî. HDP'ê bi tevlêbûna parlamenter û rêveberan civîn pêk anî û bertek nîşanî binçavkirin û girtina siyasetmedaran da. Li ser navê endam, rêveber û parlamenteran, Parlamentera HDP'ê ya Amedê Dersîm Dag daxuyanî bi kurdî xwend. Dag, diyar kir ku Tirkiye bûye girtigeha servekirî. Buluttekîn, anî ziman ku li Tirkiye bi qasî kesên li derve siyasetê dikin ew qas siyasetmedar jî hatine binçavkirin û girtin û wiha got: "Îxbar kê kiriye li ku kiririye ne diyar e. Li ser îxbara vala û naveroka pê pûç operasyon tê kirin. Li ser îxbara şahidê nepen îdîayên giran tên kirin. Bi van operasyonan dixwazin HDP'ê bê tesîr û bandor bikin. Armanca operasyonê beriya hilbijartinê dixwazin HDP'ê pasîf bikin. Ev hişmendiya faşist har bûye û bi dora xwe ketiye. Em disa dubare dikin, em dê li dijî vê polîtîka û hişmeniya komkujiya jinê, tacîz, tecawiz, binpêkirina mafên jinan, destkeftiyên jinan têkoşîn û rêxistinbûna xwe bêtir xurt bikin. Em bang li hemû cemaweriyê û kesên muxalif dikin ku li dijî van operasyonên siyasî yên kurd û muxalif dixwazin her kes hestiyar û hişyar tev bigerin. 

 

DÊ ÎTÎRAZ BIKIN

 

Parêzerê HDP'ê Mehmet Oner jî diyar kir ku di operasyonê de bi ser nêzî 200 malan de girt û ji kesên hatin binçavkirin jê 25 kes li ser îtîaya şahidê nepen hatin girtin. Oner anî ziman ku dê li Dadgeha Cezayê Sulhê îtiraz bikin.