AMED – Şêniyên Amedê bertek nîşanî daxuyaniya “Em ê dîsa qeyûm tayîn bikin” a Serokomar Erdogan dan û got: “Ew hezar carî jî qeyûman tayîn bikin em ê hezar carî jî namzetê xwe bijêrin.”
Beriya hêj 6 meh ji hilbijartina herêmî ya dia dara 2019’an de pêk were Serokê Giştî yê AKP’ê û Serokomar Tayyîp Erdogan HDP’ê hedef girt û got: “Em ê dîsa qeyûman tayîn bikin.” Welatiyên Amedê bertek nîşanî daxuyaniya Erdogan dan.
‘HETA DIXWAZE BILA QEYÛM TAYÎN BIKE’
Mehmet Kortepe ê esnaf diyar kir ku beriya hilbijartinê dixwaze bi daxuyaniyan îradeya gelê kurd bişkêne û got: “Her roj behsa demokrasiyê dikin. Xwedîgravê demokrasiyê anîne. Lê welat li ber xwe xwînê diçe. Heke Erdogan demokrasiyê bixwesta wê van daxuyaniyan neda. Yanî vê dibêje ‘ya hûnê dengên xwe bidin min ya jî ez ê qeyûm tayîn bikim.’ Lê heta ji wî tê bila qeyûman tayîn bike. Em ê dengê xwe bidin xwe.”
‘GEL WÊ QET QEBÛL NEKE’
Şeyhmus Çelîk ê karê neqliyatê dike jî nenaskirina îradeya gel ji demokrasî û edaletê dûr e û got: “Gel van pêkanînan qebûl nake. Ji avakirina komarê ve tune hesibandin heye. Erdogan jî di dema xwe de gotibû ez ê vê pirsgirêka demokrasiyê çareser bikim. Çareseriyê bi tune hesibandina îradeya gel pêk tîne. Wê demê çi maneya hilbijartinê heye? Ez wek şêniyek Amedê qet û qet vê neheqiyê û yekperestiyê qebûl nakim. Wê gel jî vê yekê qebûl neke.”
‘BI QEYÛMAN NIKARIN TERCÎHA ME BIGUHERÎNIN’
Mahmut Çelîk ê esnaf jî anî ziman ku AKP ji ber ku di nav gel de siyaseta wê nayê pejirandin HDP’ê û gelş tehdît dike û got: “Yên beriya van jî wisa digotin lê çûn. Gel li şûna xwe ma. Wê ew jî wek partiyên din biçin. Bi tehdîtkirina qeyûman nikarin tercîha me ya siyasî biguherînin. Em ê dengê xwe bidin HDP’ê. Bila qeyûman tayîn bikin. Dawiya dîktatoran dîrok nîvisandiye. Yên gumanê wan hene bila li dîrokê binêrin.”
‘EV GEL RÊYA XWE BAŞ DIZANE’
Kutbettîn Yaş ê 70 salî jî bertek nîşanî daxuyaniya Erdogan da û got: “Kurd ne kurdên berê ne. da zanîn Ew hezar carî jî qeyûman tayîn bikin em ê hezar carî jî namzetê xwe bijêrin. Bila dest ji tehdîtkirina me berdin. Ev gel rê, partî û dostê xwe baş nas dike. Em jî wî û qeyûmên wî nas nakin.”
‘WÊ BERSIVA ME NASÎNA ÎRADEYÊ NÎŞANÎ WAN BIDE’
Şêniyê bi navê Ahemt Yildiz jî da zanîn ku ew li pişt îradeya xwe ne û wiha got: “Tayînkirina qeyûm tiştekî naguherîne. Em li van qeyûman binêrin, hemû şaredariyan xistine bin deynan. Ji ber nelirêtiyên xwe qeyûm tayînî şûna qeyûm kirin. Bila heta serê sibê bêje ez we nas nakim. Ew îradeya me nas neke, em ê jî qet wan kesê bîne nas nekin. Lê em ê di sindoqan de jî bersivek baş bidin. Em kî nas dikin wê her kes me baş bibîne.”
MA / Esra Solîn Dal