AMED - Di lêpirsîna navenda wê Amedê ya li 9 bajaran pêk hat de, bi îxbareke bênav derbarê 151 kesan de biryara binçavkirinê hat dayîn. Hat diyar kirin ku ji ber îxbareke bênav polîsan bi ser 183 adresan de girtin û nêzî 100 kesan jî binçav kirin.
Di encama lêpirsîna navenda wê Amedê ya li 9 bajaran pêk hat de, polîsan bi ser 183 adresan de girtin, rojnameger Abdurrahman Gok, Kibriye Evren, Semîha Alankuş û Esra Solîn Dal jî dinavê de 100 siyasetmedarên Kurd hatin binçavkirin.
ÎXBAREK BÊNAV
Parêzer Resûl Tamûr piştî binçavkirinan çû Midûriyeta Polîsan a Amedê û bi rojnameger Abdurrahman Gok re hevdîtin kir. Prz. Tamûr, diyar kir ku moralê rojnameger Gok pir baş bû û silav ji hemû kesan re şand. Tamûr, anî ziman ku li gorî agahiyên li Midûriyeta Polîsan, hemû kes di encama hem îxbarê de hatine binçavkirin.
JI BO 151 KESAN BIRYARA BINÇAVKIRINÊ
Tamûr, destnîşan kir ku bi hinceta îxbarekê bênav dest binçavkirinan dikin û wiha bilêv kir: “Lê di îxbara mijara gotinê de ye, navê kesekê derbas nabe. Tenê hatiye gotin ku di malan de civîn û rêxistinkirinên veşartî pêk tînin. Li ser vê yekê dest bi operasyona binçavkirinê hatiye kirin. Ligel ku îxbar bênave jî, dîsan derbarê 151’an de biryara binçavkirinê hat derxistin.”