ENQERE – Dadgeha Qanûna Bingehîn, cezayê hucreyê ku bi sedema nivîsên aydî Rêberê PKK'ê Abdullah Ocalan xwestiye bi fotokopî zêde bike, lê hatibû birîn, îhlala azadiya ramanê hesiband.
Dadgeha Qanûna Bingehîn, cezayê hucreyê ku bi sedema nivîsên aydî Rêberê PKK'ê Abdullah Ocalan xwestiye bi fotokopî zêde bike, li Girtiyê Girtîgeha Tekîrdagê Eşref Aslan hatibû birîn, îhlala azadiya ramanê hesiband. Arslan, li Girtîgeha Tîpa F a Hêjmar 2 a Tekîrdagê 102 rûpel belgeyên ku ji nivisên Ocalan pêk dihat da îdareya girtîgehê û xwest bi fotokopiyê zêde bike. Lê rêveberiya girtîgehê dest danî ser dokumanteran û Arslan sewqî Saziya Dîspîlnînê ya Înfazê kir. Piştî lêpirsîna Dîsîplînê, bi sedema ku nivisên Ocalan li Saziya Înfazê belav kiriye û hişê rêxistinê zindî hiştiye û bi vî rengî propaganda rêxistinê kiriye 20 roj cezayê hucreyê li Aslan birî.
Aslan biryar li Hakîmtiya Înfazê ya Tekirdagê îtîraz kir. Lê hakîmtiyê îtîraza Arslan bi sedema “ne dijber e" red kir. Aslan li ser vê yekê bi sedema ku di çarçoveya "Azadiya ramanê" de tev geriya ye serî li Dadgeha Qanûna Bingehîn (AYM) da. AYM'ê ku serlêdana Arslan qebûl kir, cezayê hucreyê ku li Aslan birî ye weki îhlala mafên mirovah hesiband. Dadgeha Qanûna Bingehîn, cezayê hucreyê ku bi sedema nivîsên aydî Rêberê PKK'ê Abdullah Ocalan xwestiye bi fotokopî zêde bike, lê hatibû birîn, îhlala azadiya ramanê hesiband. Dadgehê di biryarê de anî ziman ku ji bo materlaya perwerde û propaganda bê hesibandin, divê naveroka nivîsê bi kesan bide naskirin an jî bide qebûlkirin. Lê fîîlek wisa pêk nehatiye. Divê dadgeh jî heta ku kesê serlêdana zêdekirina dokuman kiriye vê dokumanê belav neke wekî propaganda rêxistinê nehesibîne."
AYM'ê da zanîn ku li gorî ve yekê xala 26'an a ku azadiya ramanî dixe bin parastinê hatiye kiriye. AYM'ê anî ziman ku ji ber Aslan rastî cezayê 20 rojan ê hucreyê hatiye û mafê wî yê îhlal bûye nayê vegerandin, li hemberî tazmînata manevî biryar da ku Hezar TL tasmînata manevi bidin Aslan.
MA / Hayri Demir