RIHA - Hevberdevkê DÎK’ê Fadîl Bedîrhanoglu di komxebata DÎK’ê ya Rihayê de axivî û got: “Misilmantî û Îslamperestî, oldarî û oldarperestî ne heman tiştin. Îslamperest û oldarperest ne ji bo maf û edaletê, ji bo ku xwe bi hêz bikin têdikoşin.”
Kongreya Îslama Demokratîk (DÎK), piştî komxebata “Desthilatdariya Îslamperest û Takva" ya li Enqerê, komxebata xwe ya duyemîn li Rihayê pêk anî. Komxebat li salona Konferansê ya Otela Dedeman a Rihayê hat organîzekirin. Serokwekîlê Koma HDP’ê Ayhan Bîlgen, Parlamentera HDP’ê ya Stenbolê Huda Kaya, Parlamentererê HDP’ê yê Rihayê Nîmetullah Erdogmûş û ligel delegayonên DÎK’ê gelek kes beşdarî komxebatê bûn.
Di rûniştina komxebatê ya destpêkê de Hevberdevkê DÎK’ê Fadil Bedîrhanoglu axaftina vekirinê kir.
‘OLDARÎ Û OLDARPERESTÎ NE HEMAN TIŞTIN’
Bedîrhatoglu, di axaftina xwe wiha got: “Misilmantî û îslamperestî, oldarî û oldarperestî ne heman tiştin. Îslamperest û oldarperest ne ji bo maf û edaletê, ji bo xwe bi hêz bikin têdikoşin. Kesên misilman û oldar di tevahiya jiyana xwe de ola Xwedê û Hz. Muhammed ji bo xwe referans digirin. Kesên oldarperest û îslamperest jî li ser Qûrana Kerîm û Hz. Muhammed xwe bi hêz dikin serdestiyê bikin. Kesên oldarperest û îslamperest tenê hewl didin xwe bi hêz bikin. Hemû hikumdarên li Rojhilata Navên mînakên zindî yên vê yekê ne.”
‘EM DI ÇARÇOVEYA SENTEZA ÎSLAMA HZ. MUHAMMED DE BÊN GELHEV’
Bedîrhaoglu, diyar kir ku DAIŞ’ê li ser navê ‘Îslamperestiyê’ mirovên mezlûm ji cih û warên wan kirin û wiha bilêv kir: “DAIŞ’ê mirov qetil kirin û hewl da koletiya li dijî têkoşîna peyxemberê îslamê cardin bixwe pratîkê. Kesên di serdema Îslama Demokratîk de derketin holê û hêzên mîna DAIŞ’ê tu carî nikarin bibin senteza Îslamê. Di senteza Îslama Xwedê de edalat û azadî heye. Di senteza Îslama Xwedê de kuştin tuneye. Xwedî ji bo mînak girtinê Hz. Muhammed weke mînak nîşan da. Hz. Muhammed jî Medîne weke mînak nîşanî me daye. Di mînaka Medîne de tu nezîkatiyên dij demokratîk tune ne. Ji ber vê yekê em ê di çarçoveya senteza Îslama Hz. Muhammed de bên gel hev. Em bang li hemû kesan dikin ku li dora senteza Îslama Hz. Muhammed kom bibin. Ev îdîaya DÎK’ê pir mezin û pîroze.”
‘WATEYÊ BIDIN HEV’
Piştî Bedîrhanoglu, Prof. Dr. Nurettîn Turgay li ser “Di Îslamiyetê de takva” axivî. Prof. Turgay, anî ziman ku Qûrana Kerîm ji mirovan re dibê “Hevdu baş nas bikin” û wiha got: “Tenê mirovan nas nakin û hewl bidin wateyê bidin hev. Ji bo famkirina ola Îslamê, berî her tiştî hevdu nasbikin û wateyê bidin hev.”
Dûre Fatma Unsal li ser “Feraseta Ol a Navendîkirina Hêzê” axivî û wiha bilêv kir: “Unsal, anî ziman ku dema Hz. Mûsa û Hz. Îsa bûn resûl, kesekê bêdîn li pêşberî wan tune bû û wiha got: “Li gorî Xwedê ya herî baş rastî dîtine. Lê li Tirkiyeyê dema tê gotin Ola Îslamê, herî zêde bêdînî derdikeve pêşberî me.”
Komxebat bi axaftina beşdarvanan berdewam dike.