MERDÎN – Kesên Zana der barê kuştina Mazlum Turan ê 16 salî ku 3 sal berê li Qoserê ji aliyê polîs S.E. ve hat kuştin rapor amade kir û kuştina Turan rewa nîşan da. Kesê zana parast ku erka polîs çekê bikar bîne heye û kuştina Turan rewa nîşan da.
Kesên Zana ku der barê kuştina Mazlum Turan ê 16 salî yê di 28'ê Tebaxa 2015'an de li Qoserê hat kuştin rapor amade kir û kuştina Turan rewa nîşan da. Di 28'ê Tebaxa 2015'an de li navçeya Qoserê ya Mêrdînê dema ku wesayîta polîsan li nêzî mizgefta Seyda ya li ser riya Hevrişîmê derbas dibû teqîn pêk hat û di nav de welatiyên sivîl jî hene 3 jê giran 19 kes birîndar bûn. Piştî teqînê nêzî 500 metre ji riya îpekê dur ve ji aliyê polîsan ve zarokê 16 salî Mazlûm Tûran, bi yek guleyekî ji hêla nîşangerên polîs ve hat qetilkirin. Di wesayîta ku Turan têde hat qetilkirin birayê wî Serhat Tûran, pismamê wî Cemîl Tûran jî hatin binçavkirin. Piştî qetilkirinê Turanê ji bo otopsiyê anîn Nexweşxaneya Zanîngeha Dîcleyê û piştre defin kirin. Piştî bûyerê der barê polis S.E. de bi îdîaya “bi zanebûn kuştiye" doz hat vekirin û heta niha 11 danişînê dozê hatin dîtin. Di 11 danişin li 1'emîn Dadgeha Cezayên Giran a Mêrdînê hatin dîtin, dadger hemû daxwazên girtina polîsê kujer S.E. red kir.
KEZÊ ZANA Ê CENDIRME: ERKA ÇEK BIKAR ANÎNÊ YA MEMÛR RAST E
Dadgehê danşîn taloqî 9'ê Mijdarê kir. Di danişînê de bersûc her dem xwe parast û parast ku gule pengiziye û li wî ketiye. Heyetê li ser vê yekê ji kesên zana ên cendirmeyan rapor xwest. Li ser daxwaza heyetê rapor ji aliyê Kesê Zana Serçavuş ê Bi Qidem ê Cendirme O.O. ve hat amadekirin. Kesê pispor O.O. diyar kir ku Turan ne bi guleya pengizî, bi guleya raste rast hatiye kuştin. Kesê zana, li gel vê yekê parast ku maf û erka karmendê ewlehiyê (polîs-esker) heye ku çekê bikar bîne û kuştina Turan rewa nîşan da. Kesê Zana O.O. di raporê de qeneeta xwe jî aşkere kirinû diyar kikin ku polis S.E. erka xwe pêk anîye û wiha got: "S.E. bi nîşangitinê gule bernedaye. Bi armanca maşînê rawestîne gule berdaye. Xiza maşînê 40 kilometre/saet bû. Di maşînê de çend kes hebûn ne diyar bû. Nizanîbûn ku di maşinê de teqemenî heye ya na. Ji ber vê yekê mafê erka ku çekê bikar bîne heye."
RAPOR ÎTÎRAZ KIRIN
Parezerên Malbata Turan rapor îtîraz kirin û diyar kirin ku rapor tê wateya lêpirsîna ku bersûcan bê ceza bihêlin in. Parêzeran diyar kirin ku ji bo rapor ji nûve bê amadekirin daxwazname dane.
ŞAHIDÊN BÛYERÊ RATÎ WIHA VEGOTIBÛN
Serhat Turan (13) û Cemîl Turan (15) ên bûnûn şahid wê demê şahidî kiribûn. Cemîl Turan ev tişt anîbû ziman: "Rja bûyerê kamyona me ya mirîşkan hat. Em bi Mazlum re çû wan bar bikin. Em çûn dikanê û bar kir. Xalê min di vê navberê de ji me re got ku ew ê biçe malê û xwest em jî biçin. Dema em cem qereqola sûkê derbas dibûn me dît rê girtî ye. Di vê navberê de Mazlum gote ehlîyeta wî tuneye û ji cihên berê dê biçin malê. Me jî li wî aliyê Mêze kir û li wir jî rê girtibûn. Polîs nişkave ber bi wî aliyê ve meşiyan. Piştî ku polîs reviyan Mazulm kete panîkê. Di vê navberê de polîsan rasterast gulebaran kirin. Mazlum xwest em serê xwe veşêrin, piştre jî ji bo bisekine pêli frenê kir. Wê dekê li wesayîteke suzukiyê xist. Dema ku Mazlum bi panîkê pêli frenê kir hem li wesayîta suzukî xwest hem jî peyariyê xist. Ji ber ku peyarê hinekî bilind bû deriyê li aliyê Mazlum nehat vekirin. Mazlum hewlda derî veke û ji polîsna re jî gote dê bisekine. Lê wan gulebaran xwe domandin. Wê demê li Mazlum xistin, û kete hembûza min û tenê gotina 'Cemîl' bi kar anî. Her der bûbû xwîn."
Serhat Turan jî wiha gotibû: Piştrî bûyerê em ji wesayîtê derxistin û avêtin erdê. Ji ber ku li Mazlum xistibûn min got 'Mazlum Mazlum' û qîr kir min xwest rabim. Cemîl jî dixwazt rabe. Lê wan li qontaxên çekan ve li me xistin û gotin heke hûn rakim em ê we jî wekî wî bikujin. Dema me digot 'hûn çima Mazlum dernaxin û mudaxeleyê lê nakirin' bi qontaxên çekan li me dixistin û gef li me dixwarin. Destûr nedan ekîbên tendûrîstiyê yên hatin jî nêzî Mazlum bibin. Ew jî demekê li wir man û pişt re çûn tax geriyan. Mazlum nêzî du seatan di wesayîtê de hiştin. Du hewokên me digotin jî lê zêde dikirin û wisa dinivîsîn. Dema me digot, 'Abê wisa nîn e. Em îfadeyên wisa nedan. Em naxwazin wisa bidin' çek dirêjî me dikirin û digotin 'Bêdeng bin neaxivin. Heke em dê we jî bikujin' Dema me got polîsan birayê me kuşt wan jî got 'hûn li ku dixwazin ew polîs in' Li wir her tim gef li me dixwarin."
MA / Ahmet Kanbal