ÎZMÎR - Alîgirê Hevserokatiya Giştî yê HDP'ê û Berpirsiyarê Polîtîkayên Ked, Aborî û Civakiyî Gunay Kûbîlay der barê hilbijartinên herêî de axivî û destnîşan kir ku divê muxalefeta civakiyî bê cem hevdu.
Alîgirê Hevserokatiya Giştî yê HDP'ê û Berpirsiyarê Polîtîkayên Ked, Aborî û Civakiyî Gunay Kûbîlay, der barê hilbijartinên herêmî de ku dibe AKP bia wayekî pêşwext çêbike axivî.
‘DIBE KU HILBIJARTINÊN HERÊMÎ XELEKA DAWÎ YA REJÎMA FAŞÎST BIN'
Kûbîlay, diyar kir ku welat bi hevkariya AKP-MHP'ê tê birêvebirin û li hemberî vî ew li dijî şaredarîyîbûneke xwe spartiye rantê têdikoşin. Kûbîlay, anî ziman ku rêveberiyeke AKP'î ya ku xwezayê talan dike heye û got: "Wisa dixuyê ku Erdogan û AKP dixwazin hilbijartinên herêmî jî bi awayekî pêşwext çêbikin. Lê heta ji destê me bê em ê hewl bidin ku hilbijartin di wextê xwe de pêk bê. Li hemberî vê feraseta antîdemokratîk divê hilbijartin di wexta xwe de çêbibe. Rejîma Erdogan û hevkarê wê MHP dixwazin bi vê hilbijartinê rejîma xwe ya faşîst bi sazûman bikin û dibe ku ev xeleka dawîn a vê yekê be."
Kûbîlay, diyar kir ku hikûmet dixwaze xweserîbûna rêveberiyên herêmî ji holê rabike, lê belê divê firsenda vê yekê neyê dayîn û rê li ber vê yekê bê girtin.
‘DIVÊ MUXALEFET BÊ CEM HEV'
Kûbîlay, destnîşan kir ku Erdogan û Bahçelî dixwazin di hilbijartinên herêmî de pergala heyî bi temamî ji holê rabikin, lê belê divê li hemberî vê muxalefeta civakiyî bê cem hevdu. Kûbîlay got: "em ferz bikin ev bi encama sindoqan be, nexwe divê li ser sindoqê ev hêz bibin yek, li kuçeyê be divê li kuçeyê bibin yek, li parlementoyê be divê li parlementoyê bibin yek. Gelek rê û rêbazên têkoşînê hene. Em HDP dixwazin van derfetan hemûyan binirxînin. Tayînkirina qeyûman tenê ne bi destxistina hêza herêmî ye. Xespkirina vîna gelê kurd e." Kûbîlay, diyar kir ku bi destxistina vîna gel a hatiye xespkirin ji hilbijartinê wêdetir e û got: "Dibe ku hilbijartin bo vê yekê wesîleyek be, lê dema gel vîna xwe ya hatiye xespkirin dîsa bi hilbijartinê bi dest bixe, ev serketineke mezin e."
Kûbîlay, anî ziman ku dê serketina di sindoqê de bibe destpêkeke nû û got: "Em ferz bikin we şaredariyek an jî muxtariyek bi dest xist an jî hûn partiyeke di parlementoyê de ne. Ev hemû nayên wateya ku her tişt temam bûye. Bereksê wê destpêka pêvajoyeke nû ye. Li bajarên kurdan qeyûm faktoreke li bajarên kurda ye, lê realîteya li bajarên rojavayê Tirkiyeyê cuda ye. Em wisa hizir dikin ku çawa di 24'ê Hezîranê de muxalefeta civakiyî hat cem hev, dikare di hilbijartina herêmî de jî bê cem hev. Dê HDP ji bo vê polîtîkayeke xwedî rêgez û nerm bi rê ve bibe."
MA / Ruken Demir – Nimet Olmez