* Parlementerê Colemêrgê Saît Dede bal kişand ser tecrdîkirina Rêberê PKK'ê Abdullah Ocalan û destnîşan kir ku CPT ji serbixwbûnê dûr ketiye, wekî komploya navnetewî didome û got: "Em dikarin bi têkoşîn û hêza xwe ya cewherî tecrîdê bişikînin."
* Jinên ku 134 roj in li ber Fabrîkaya Flormarê ji bo mafê xwe çalakiyê li dar dixin, bilêv kirin ku berxwedan ew wêrek dikin û ew ê dev ji têkoşînê bernedin.
* Li gundên Pasûrê gundiyên ku diçin ser mehseran, ji ber SÎHA û ÎHA'yan nerihet in. Gundiyan bilêv kir ku ji ber bombebaranan sçê sal in rekolteya berên wan kêm bûye.
* Karkerên înşeata Balafirgeha 3'yan, ên hatin binçavkirin û girtin, tiştên di bin çavan de û di girtîgehê de bi wan re rû bi rû man vegotin. Girtiyan diyar kir ku di bin çavan de ji wan re hatiye gotin "We û HDP'ê li ser çi axiviye?" û gotin: "Tê gotin 'kî doza mafê xwe bike, ji bo vê debg derxîne em ê bigirin.' Ya di şexsê me de pêk hat jî ev e. Ji ber ku me deng derxist em hatin girtin."
* Danişîna doza leşker Adem Çîftçî ku bi kuştina Medenî Yildirim tê tawanbarkirin dê di 27'ê Îlonê de li Dadgeha Cezayê Giran a 7'an a Amedê pêk bê.
* Li Êlihê, li xaçerêya li Bûlwara Omer Muhtar ji ber ronahiyên çûnhatinê tune ne û rayedar ji bo vê tu tevdîr negirtine, dema zarok derbasî wî alî û vî aliyê rê dibin bi rewşên talûke re rû bi rû dimînin.
* Hasan Yaşarê 86 salî ku li ser îxbarekê hat binçavkirin, bi îdiaya "Nan daye PKK'yiyan" zêdeyî salekê ye diçe dadgehê û tê. Ji bo Yaşarê ku guhê wî giran bûye û hema bêje çavên wî nabînin, di navbera 5-10 salan de cezayê girtîgehê tê xwestin.
* Danişîna doza Gerînengeyê Giştî yê Rojnameya Agosê Hrant Dink dê li 14'emîn Dadgeha Cezayên Giran a Stenbolê berdewam bike. (10.00)
* Danişîna doza Hunermend, Ferhat Tunç ku bi îdîaya “propaganda rêxistinê" kiriye tê darizandin dê li 36'emîn Dadgeha Cezayên Giran a Stenbolê bê dîtin. (11.00)
* Danişîna doza editora Rojnameya Evrenselê Çagri Sari, dê li Dadgeha Asliye Ceza ya Bakirkoyê bê dîtin. (11.30)
* Sendîkaya SES'ê ya Êlihê ji bo balê bikişîne ser mafê karker û kedkaran dê li pêş Nexweşxaneya Dewlehê ya herêmê daxuyaniyê bide çapemeniyê. (12.30)
* Rêxistina ESP'ê ya Edeneyê ji bo balê bikişîne ser rewşa Hevseroka Giştî ya Çiçek Otlu ku girtî tê darizandin dê li avahiya ESP'ê ya Edeneyê daxuyaniyê bidin çapemeniyê. (13.00)