* Kongreya Civaka Demokratîk (KCD), dê fikrên Rêberê PKK'ê Abdullah Ocalan ku nêzî 20 salin bi tena serê xwe li yek hucreyê tê girtin, bi rêya panel û sempozyuman bi civake re parve bike.
* Serokê Giştî yê ÎYÎ SEN'ê Alî Oztutan, têkildarî çalakiyên karkeran û êrîşên li dijî berxwedana karkeran destnîşan kir ku hem di milê fîzîkî û siyasî de û hem jî di milê daraz û ewlehiyê de astengiyên mezin li pêş karkeran heye û pêwistî bi helwestek rêxistinî ya xurt heye.
* Di sal û nîvekê de nêzî 350 cenaze anîne Saziya Tiba Edlî ya Meletiyê. Hîn jî 30 cenaze di morgê de ne û ji van cenazeyan 8 jê nadin malbatên wan. Her wiha li goristana bêkesan jî 100 cenaze hene.
* Li Amedê ji ber krîza aborî, bi dehan şîrketên ku nikarin deynê xwe bidin, ji bo konkordato serî li dadgehê dan. Serokê DSMMMO'yê Mûstafa Vûral, anî ziman ku dê di demeke kin de ev hejmar zêdetir bibe.
* Welatiyên Gundê Kizilcakoy ê Navçeya Efelerê ya Aydinê li dijî avakirina JES'ê nobetê digirin. Endama AYÇEP'ê Gonul Hastaoglu ku piştgiriyê dide welatiyan diyar kir ku ava ji Sondajê derdixin dişînin qanalê avdaniyê û tev li Çemê Menderesê dibe. Welatî Emîne Karaz jî anî ziman ku Rayedarên Enqereyê soza 145 JES'an daye fîrmayên JES'ê û fîrma hêza xwe ji Enqereyê distînin.
* Piştî sotemenî û mazot buha bû, ajokarên karê neqliyatê dikirin êdî nikarin wekî berê kar bikin. Ajokarên TIR'an diyar kirin ku piştî buhoyê mazotê derket 7 TL'yan, êdî seferên xwe betal kirin.
* 9 karkerên Şaredariya Bajarê Mezin a Aydinê ku dema ajokariya Îmar A.Ş. dikirin û ji kar hatin avetin, ji bo mafê xwe bistînin 72 rojin di çalakiya rûniştinê de nin.
* Li Cizîrê di Çemê Dîcleyê de di 4 mehên dawî de 9 zarok fetisîn. Naqerên avê diyar kirin ku fetisandina zarokan bi xetimandina ocaxên xîzê pêkan e.
* Li dijî binçavkirina Balafirgeha 3'emîn a Stenbolê bertek û nerazîbûn zêde dibin.
* Danişîna doza Şahin Oner ê19 salî ku polîs Selahattin Korkmaz bi maşîna zirtî eciqand û kuşt, dê li 1'emîn Dadgeha Cezayên a Amedê bê dîtin. (10.00)
* Rojnameger Îshak Karakaş û 8 kesên din ku li ser Efrînê di hesabê xwe yê twîtterê de nûçe belav kiribûn û doz li wan hatibû vekirin dê li 28'emîn Dadgeha Cezayên Giran a Stenbolê bê dîtin. (10.00)
* Danişîna doza Çapxaneya Gun ku TMSF'ê dest danî ser malê wê û 20 xebatkarên wê girtî tên darizandin dê li 26'emîn Dadgeha Cezayên Asliye Ceza dê bê dîtin. (10.00)
* Platforma Hiqûqnasên Azad ji bo piştgiriyê bidin endamên ÇHD û HHB'ê şermezar bikin dê li pêş Edliya Îzmirê daxuyaniyê bidin çapemeniyê. (12.30)
* Parlamenterê HDP'ê û rojnameger Ahmet Şık, dê li 17'emîn Dadgeha Asliye Ceza ya Stenbolê bê darizandin. (14.00)
* Hevserokê Giştî yê HDP'ê Sezai Temellî, dê Federasyona Komeleya Romanan a Akdenizê ziyaret bike. (14.00)