STENBOL - Parêzer Selçuk Kozagaçli ku çû Edliya Stenbol, polîsan li Edliyê bi derbkirinê binçav kirin û birin midûriyeta polîsan.
Parêzer Selçuk Kozagaçli ku 2 roj berê serbest hat berdan û der barê wî de biryara binçavkirinê hat dayîn, dema çû Edliyeya Çaglayan a Stenbolê, hat binçavkirin. Kozagaçli dema çû 29'emîn Dadgeha Cezayê Giran a Stenbolê û xwest îfade bide, heyeta dadgehê salon terk kir. Heyeta dadgehe xwest salonê vala bikin û bang li polîsan kirin. Polîsên ketin salona danişînê û parêzerên li salonê bi lêdanê derxistin derve. Polîsan Prz. Kozagaçli jî bi lêdanê binçav kirin û birin Şaxa TEM'ê ya Midûriyeta Polîsan a Stenbolê.