SÊRT - Li Sêrtê paletiya fisteqan dest pê kir. Çotkarên fisteqan îsal ji ber bendavên ku li herêmê hatin çêkirin bi qasî dixwestin berê fisteqan kom nekirin. Ji ber berê fisteqan kom bûn, îsal bi berhemê xwe keyfxweş nebûn.
Li Sêrtê demsala fisteqan dest pê kir. Fisteqên ku ji bo çotkarên Sêrtê çavkaniya debarê ye, îsal ji ber ku berê wan kêm bû ruyê xwediyê xwe ne kenand. Çotkarên Fisteqan ji ber bendavên li ser Geliyê Botanê hatiye avakirin bi qasî dixwest ber ji daran kom nekirin. Çotkaran diyar kirin ku ji ber Bendavên HES'ê avhewaya herêmê hatiye guhertin û vê yekê bandorek neyînî li ser berê fisteqan kiriye. Çotkaran da zanîn ku îsal hewa zuha derbas bû û bandora xwe ya neyînî li ser berê fisteqan kir. Çotkaran da zanin ku îsal li gorî sala par bereketa darênwan kêm bû û li bendê ye ku îsal li Sêrtê 20 hezar ton fisteq kom bikin. Çotkaran anîn ziman ku di baxçe de kîloya fisteqan di navbera 30 û 40 TL de tê firotin û li ser dezgeh heta 100 TL tê firotin. Çotkaran anîn ziman ku ji ber bazirganiya xerab li hin baxçeyan kîlo heta 5 TL jî tê firotin.
Cotkaran bertek nîşanî nûçeyên medya hawiz ku der barê çotkaran de weşandin da û diyar kirin ku karkerên fisteqan rojê bi 50 -80 TL kar dikin. Karkera fisteqan Berivan Işik, ani ziman ku heta niha mehê 6 hezar tl kesî nedaye wan û medya hawiz nûçeyên bê kok diweşîne. Işik, anî ziman ku ew rojane bi 50 - 80 TL kar dikin û karekî pir zor û zahmet e.
Çotkara fisteqan Zekeriya Daşçi jî anî ziman ku 20 salin darê wî yê fisteqan heye û wiha got: "20 salin ez fisteqan ji daran kom dikim. Yekem car berê fisteqan ew qas kêm e. Îsal ji ber bendê HES'ê hişkesaliyê em talan kirin. Berê fisteqan kêm e. Ger ku em heqê karkeran, gubre û çotkirinê tevî ji nav derxin ji bo çotkaran 5 tl ji mere namîne. Ji hemû rezê fisteqan tenê 5 çûwal ji mere ma." Daşçi, anî ziman ku li tevahiya Sêrtê bereketa fisteqan kêm bûye û sedema vê yekê jî avakirina HES'ên li ser Geliyê Botane nîşan da.
MA / Metin Yoksu