Serokê Giştî yê AKP û Serokkomar Recep Tayyîp Erdogan, piştî beşdarî zîveya G20 a li bajarê Hamburga Elmanyayê ya di 8’ê Tîrmeha 2017’an pêk hat bû de, di civîna çapemeniyê de, li ser pirsekê derbarê Hevserokê Giştî yê HDP’ê yê berê Selahattîn Demîrtaş ê li Girtîgeha Tîpa F a Edîrneyê girtiye îdîakiribû ku “Terorîste” û gotibû “Ev kesê hûn behsa wî dikin terorîste.” Parêzerên Demîrtaş Aygel Gokalp Demîrtaş û Sertaç Buluttekîn li ser vê yekê di 10’ê Tebaxa 2017’an de derbarê Erdogan de doza tazmînatê vekirin. 5’emîn Dadgeha Hiqûqî ya Eslî ya li dozê mêze dikir, di meha Tîrmehê de taxwaza tazmînatê ya parêzerên Demîrtaş redkir. Dadgehê hinceta biryara redkirina doza tazmînatê ya Demîrtaş a darê Erdogan de vekirî eşkere kir. 

   

Di biryara hincetê de behsa biryarên Dadgeha Mafê Mirovan a Ewropa (DMME û Dadgeha Qanûna Bingehîn ên derbarên azadiya ramanê ya siyasetmedaran de dayîn dike. Di biryarê de cih ji parastinên parêzerên Erdogan re hatiye veqetandin û wiha hat gotin “Divê azadiya ramanê ya siyasetmedaran bi awayekê berfireh bên famkirin. Erdogan ji ber vê erka xwe, ‘hewcehî dîtiye ku kesên piştgiriyê didin terorê de vê daxuyaniyê bide.”  

 

‘DIVÊ TEHEMÛL BÊ NÎŞANDAN’

 

Di berdewamiya biryarê de wiha hat got: “Divê bê zanîn rexneyên wiha ji bo mirovên siyasî parçeyekê rê û rêbazên lîstûkê ne. Li gorî vê yekê divê siyasetmedara li gorî mirovên ji rêzê hîn zêdetir xweşbinî nez bibin. Dibe dozdar û dozbar jî renxe û sûcdariyên giran ji hevre bêjin. Lê divê tehemûla vê bê kirin. Erdogan di çarçoveya azadiya ramanê de ji Demîrtaş re gotiye 'terorîst.'”

 

Dadgehê, diyar kir ku ji ber van sedeman biryara redkirina dozê dane. Dadgehê di haman demê biryar da ku 36 TL lêçûnên darizandina dadgehê û 2180 TL lêçûnên wekaletên parêzerên Erdogan ji Demîrtaş bên girtin. 

 

Parêzerê Demîrtaş Sertaç Buluttekkîn, dê biryarê bibe Dadgeha Edlî ya Herêma Dîlokê.