STENBOL – Rojnameger Alî Ergîn Demirhan, diyar kir ku Rûsya bi hişmendiya "Tu dê dijminê xwe ji nêzîk ve bişopîne" bi Tirkiye re li ser masa Idlibê rûniştiye û wiha got: "Tirkiye naxwaze pirsgirêka Idlibê çareser bibe. Tirkiye dê di bîra ku bi destê xwe koleye werbibe. Dê bi belaya cîhatkaran re rû bi rû bimîne."
Niqaşên li ser rewşa Idlib û pêşeroja Idlibê her ku diçe kûr dibe. Serok û serokomarên Tirkiye Îran û Rûsya îro ji bo mijara Idlibê niqaş bikin, dê li Tahrana Îranê kom bibin. Çavê gelên herêmê û Cihanê li ser rewş û encama geşedanên li Idlibê ye. Balafirên şer ên Rûsya, li Idlib a di kontrola Heyet Tahrir El-Şam (HTŞ) û OSO ya di kontrola Tirkiye de ye bombe kir. Artêşa Sûriye jî ji herêma bejayî de li Idlibê dixe. Tirkiye seranserî sînorê Sûriye wekî herêma ewlehiya taybet îlan kir. Edîtorê Nûçeyan a malpera Sendika.org Alî Ergin Demirhan, der barê geşedanên li herêma Idlibê nirxand.
‘TU DÊ DIJMIN JI NÊZ VE BIŞOPÎNE'
Demirhan, anî ziman ku Rusya û Îran li ser daxwaza Şam'ê ku ji aliyê Neteweyên Yekbûyî ve rewa tên dîtin li dijî îstilaya cîhatkar a emperyalizmê bi armanca piştgiriye bidin şer li Sûriye bi cih bûne û wiha got: “Ji milê Şamê ve hêza Rus û îran bi dewlet, Tirkiye jî hêza dagirker e. Kombûna Rusya-îran-Tirkiye ya li Astana li ser berjewendiyê kom bûne. Rûsya ji krîza Tirkiye DYA ku di nava têkiliyên NATO de derdikeve pêş sûdê digire û bi feraseta ‘Tu dê dijmin ji nêzîk ve bişopîne' bi Tirkiye re li ser maseya Idlibê rûdinê. Yek ji hêza emperyalist ku dixwaze li Sûriye bibe xwedî gotin DYA ye. Tirkiye jî li gel DYA ketiye nava vê rêya şer. Her çend di nava Tirkiye û DYA de krîz hebe jî di mijara Idlibê de DYA û AKP yek deng in. Berjewendiyên DYA û Tirkiye li dijî berjewendiyên Rusya-Îran û Sûriye ne. Di rojên dawî de Rusya, Îran û Suriye di mijara operasyona li Îdlibê de bi biryarin. Dixwazin dagirkerên cihatkar û hêza dagirker a Tirkiye û DYA paşve vekişin. AKP û DYA jî diwazin operasyonê taloq bikin û hêzên dagirker li herêmê mayinde bikin û wekî maşik bikar bînin."
DAGIRKERÊN CÎHATKAR WEKÎ MAŞIK TÊN DESTGIRTIN
Demirhan, destnîşan kir ku tu pêşeroja hêzên dagirker ên cîhatkar tune û AKP û DYA wan li wir wekî maşik digirin dest. Demîrhan, da zanin ku AKP bi armanca destkeftiyên kurdan bi sînor bikin ketiye nava hewldanan û DYA jî dixwaze hêza Îronê li herêmê kêm bike. Demirhan, anî ziman ku operasyona li Idlibê dê zû dest pê bike û wiha got: "Ev yek dê bi resta hêzên leşkerî ya navneteweyî û herêmî dest pê bike. Dê êdî pevçûn dijwar bin. An dê bimirin, an dê birevin, an jî dê teslîmî Tirkiye bibin. Niha îktidara AKP'ê bi dehan kîlometre bi bendê pêça ye. Kontrola li ser sinor zêde kiriye Tirkiye dê fatoraya cîhatkarên ku bi destê xwe li wir mezin kiriye bide. Hemû çekên ji cîhatkaran re diçû di ser Tirkiye re derbas dibû. Komên di bin navê OSO de bi awayekî fermî, navendên xwe Tirkiye nîşan didan û bi asayî piştgirî didan cîhatkaran. Nusra ku ji DAIŞ'ê derket, li Hatayê bi hêsanî bi cih bûbû.
Li Kilis û Dîlokê çalakiyên DAIŞ'ê pir zêde bûn. Piştî operasyonên Rusya û Suriye zêde bûn, têkiliya Dîlok û Helebê jî qut bû. Piştî 2016'an Kîlîs, Hatay, û Hatay hêzên cîhatkar ên li Bakurê Sûriye bi hev girê dan. Piştî şerê li Sûriyeû bi sed hezaran Sûriyeyî hatin li ser Sînorê Hatay û Kîlîsê bi cih bûn, Dîlok, Kîlîs û Hatay ji bo cîhatkaran bû cihekî bi bereket. AKP'ê li Idlib û Ezazê cîhatkar û DAIŞ parast. Li milê vî aliyê sînor, nifûsa koçberan heye.
Komên selefî yên ji Tirkiye û hucreyên DAIŞ'ê hene."
DYA TU CAR JI BO KURDAN NABE EWLEHÎ
Demirhan, da zanîn ku li Bakurê Sûriyeyê û Rojhilata Firatê DAIŞ hatiye paqijkirin û ev yek bi destê hêzên çekdar ên kurd û modela alternatif pêş ketiye. Demirhan, da zanîn ku çareserî bi levkirina PYD-YPG'ê ya li Şamê pêkan e.
Demirhan, bal kişand ser têktiliya DYA ya bi kurdan re û wiha got: "DYA ji bo tu kesan nabe ewlehî. Ji bo kurdan qet nabe ewlehî. Ji ber ku DYA berî her tiştî xwedî berjewendî ye û berî her tiştî berjewendiyên xwe li ber çavan digire. Dema pirsgirêka Idlibê çareser bû, dê AKP bi destê xwe xwe bavêje bîra ku bi xwe koleye. Bi xwe belav ava kiriye û dê têkeve belaya xwe.
MA / Necla Demir