RIHA – Parêzera Fadil Şenyaşar ê ku AKP’yan bav û du birê wî kuştin Sevda Çelîk Ozbîngol diyar kir ku dixwazin miwekîlê wê li hepsê tenê bihêlin û bang li her kesî kir ku name û pirtûkan jê re bişîne. 

 

Di arîfeya Cejna Remezanê de beriya hilbijartina 24’ê Hezîranê li navçeya Pirsûsê ya Rihayê alîgirên Parlamenterê AKP’ê Îbrahîm Halîl Yildiz êrîşî ferdên malbata Şenyaşar kirin û Esfer Şenyaşar û du kurê wî qetil kirin. Piştî bûyerê di 17’ê hezîranê de sli ser daxwaza dozgeriyê polîsan Fadil Şenyaşar ê ku bav û du birayê xwe winda kir hat girtin. 

 

‘EM XWE BI NAME Û PIRTÛKAN BIGÎHÎNÊ’ 

 

Parêzera Fadil Şenyaşar, Sevda Çelîk Ozbîngol bal kişand ser rewşa miwekîlê xwe û got rewşa fizîkî û derûnî ya miwekîlê ne baş e. Ozbîngol anî ziman ku miwekîlê wê di girtîgehê de hucreyek yek kesî de tê ragirtin û got: “Divê her kes bi nameyek ango bi pirtûk şandinekê xwe bigîhîne hepsê. Em bang li her kesî dikin piştevaniya xwe bi name û pirtûkan ji bo Fadil Şenyaşar bidin nîşandan.” 

 

DOZ DÊ DIRÊJ DEWAM BIKE 

 

Ozbîngol diyar kir ku bêyî rewşa derûnî û fizîkî ya Şenyaşar baş bibe ew girtine û piştî wî girtin demildest şandine Girtîgeha Xarpêtê û wî bi zanebûn ji malbat û parêzeran dûr kirin e. Ozbîngol got çi dibe bila bibe dê edalet cihê xwe bibîne û dê ev doz jî dirêj dewam bike û miwekîlê wê jî xwe ji bo vê yekê amade kiriye. 

 

NAVNÎŞAN 

 

Ozbîngol navnîşîna miwekîlê xwe wiha da: “Ji bo kesên name û pirtûk dixwaze bigîhîne Şenyaşar dikarin wiha bişînin; 2 Nolu T Tipi Kapalı Ceza İnfaz Kurumu  E-66 koğuşu / Elazığ.”