REQA – Berdevkê QSD’ê Kino Gabriel bal kişand ser operasyon li dijî Idlibê û got: “Ji bo Idlibê bi rejîmê re lihevkirinek me tune ye. Hemû amadekariyên me ji bo azadkirina Efrînê ye.”
Aktorên hundirîn ên Sûriyeyê, navnetewî û herêmî ji bo Idlibê kozên xwe dawî diajon qadê. Ji bo Idlibê, Rûsya, rejîma Esad, DYA, Elmanya, Fransa, Çîn, Îran û Tirkiye rolek çalak dileyîzin. Di tûrikê her kesî de ji bo berjwendiyên xwe planek wan heye. Çapemeniya rojavayî duh spartibû Çavdêriya Mafê Mirovan a Sûriyeyê (SOHR) ku Rûsya li dijî Idlibê bombebarankirin pêk aniye û vê yekê tansiyonan zêde kir. Berdevkê Hêzên Sûriyeya Demokratîk (QSD) ku ji leşkeriya gelên Bakurê Sûriyeyê pêk tê Kino Gabriyel geşedanên dawî yên li herêmê ji Ajansa Mezopotamyayê (MA) re nirxand.
‘HEMÛ HÊZ BERJEWNDIYÊN XWE DIFIKIRIN’
Gabriel diyar kir ku şerê li Sûriyeyê tenê ne girêdayî hêzên Sûriyeyê û got: “El Nusra û DAIŞ jî daxîlê vê ye. Şerê li Sûriyeyê bûye şerek navneteweyî. Hin hêzan ji bo berjewendiyên xwe têkil bûn. Niha jî rola wan hêza hin vekirî derket holê. Armanca bingehîn a DYA û Rûsya ew bû ku destkeftiyên xwe biparêzin. Dem bi deman van destkeftiyan wan anî cem hev. Li ser vê esasê ji bo li Sûriyeyê hin kirîzan çareser bikin hin hewldanan kirin. Lê bes vê rewşê dirêj dom nekir. Li aliyê din jî hêzên herêmî yên mîna Tirkiye, Îran û Erebîstana Sudî jî derketin pêş. Lê van xwest ji hêzên din bêtir destkeftiyan bi dest bixin. Bi vê rê girêdayî cihê ev hêz lê ne û aliyên destek din di bin zextên mezin de ne. Dema Îsraîl li cihên eskerî yên Îranê xist, em vê dibînin. Dîsa cihên ku Tirkiyeyê dagir kir jî em vê yekê dibînin. Tiştek din jî hêzên Şiî ne. Nikarin biçin herêmîn din ên Sûriyeyê. Di esasê xwe de ev rewş dabeşkirina hevsengiya hêzên li herêmê dide nîşandan.”
‘QSD WÊ DAGIRKERAN BIQEWIRÎNE’
Gabriel bal kişand ser operasyon û têkoşîna li dijî DAIŞ’ê û wiha dewam kir: “Em ê bi operasyona Dêra Zorê re hemû Bakurê rojhilatê Sûriyeyê ji DAIŞ’ê paqij bikin. Di hedefa ewil a QSD’ê de cihên ku hêzên biyanî hatine dagir kirin hene. Em ê wan axan azad bikin. Bi taybetî jî ji van deveran cihên ku Tirkiyeyê dagir kiriye hene. Em ê van deveran ji wan bistînin. Mimkûn e hemû axa Bakurê Sûriyeyê ji dagirkeriyê bê rizgarkirin.”
‘JI BO BEŞDARIYA OPERASYONÊ TU LIHEVKIRINA ME NÎNE’
Gabriel bal kişand ser muhtemela operasyona li dijî Idlibê û wih pêde çû: “Rast e, li qada Sûriyeyê li dijî teror û piştevanê wê şerek me yê cidî heye. Lê bes ji bo beşdarî an go plansaziya operayona Idlibê heta niha lihevkirin û nîqaşên hêzên QSD’ê çênebûye. Dibêjin operaysona Idlibê lê ne diyar e wê çawa pêk bê û li ser kîjan xetan şekil bigire. Ji bo operasyonek muhtelemel a li wê herêmê wek QSD’ê di warê beşdariya me de tu pêşketin pêk nehatiye.”
Gabriel, da zanîn ku heya niha ji bo Idlibê tiştek zelal tuneye û wiha bilêv kir: “Hêzên ku em behsa wan dikin, ji bo Îdlîbê li ser maseyekê rûdinin, lê hîna jî neçûne mijarek hevpar. Di çapemeniyê de daxuyaniyên ‘emê komên radîkal paqij bikin’ didin û bi vî awayî tenê El Nusra dikin hedef. Lê em, hemû komên li wê derê dimînin weke terorîst dibînin. Ji ber ku xwedî fikrek selfî û radîkalin. Ji ber ku ev kom mirovan dikujin, direvînin, talan û diziyê dikin û dixwazin demofrafiyê biguherînin.”
‘DIXWAZIN KOMÊN SELEFÎ YÊN TENGAV BÛYÎN XELAS BIKIN’
Gabriel, di dewama axaftina xwe de wiha got: “Tirkiye, Rusya û Îranê di civîna 7’ê Îlonê de, bi awayekê ku dixwazin El Nusra tune bikin xwe dan nîşandan. El Nusraya ku li gorî planên wan tevnager dê bifiroşin. Dê çavên xwe ji êrîşên hewayî yên li ser hin baregehên wan re bigirin. Her wiha ji bo Idlibê dê taktîka ewiqandinê pêk bînin. Ev heya ku derê here jî, ne diyare. Bi vê re jî dê bejin ‘ji xwe me berê jî wisan li dijî DAIŞ’ê şer kiribû.’ Dê hewl bidin bi vî awayî mijarê çareser bikin. Tirkiyeya ku vê bike, dê encamên rast pêş nexwe. Berevajî, dê derî li şerekê pir mezintir veke. Ji destpêkê de Tirkiye piştgiriyê dide El Nusra. Ji ber ku niha rewşa Nusra Tirkiyeyê dixwe nava zoriyê, bi destên hin komên din hewl dide, wan ne dîtbar bikin. Di heman demê de bi vî awayî, li ser berjewendiyên xwe difikirin û dixwazin komên selefî yên di wirde tengav bûyîn, xelas bikin.”
‘JI BO AZADIYA EFRÎNÊ LI PÊŞ ME RÊYEKE OPERASYONÊ XUYA DIKI’
Gabriel, diyar kir ku gote got pir zêdene û wiha dawî li axaftina xwe anî: “Lê tişket ber bi çav nayê kirin. Bi awayekê zanebûn van gotinan dibêjin. Hîna mijarên leşkerî neketine rojevê. Ger hin pêşketin çêbin jî, dê demek dirêj berdewam bikin. Lê divê projeyên siyasî bên qebûl kirin. Heya ku ji aliyê me ve tiştek neyê gotin, divê gelê me baweriya xwe bi van gote gotan neyînin. Berxwedana QSD û hêzên dinava wê de ya li Efrînê berdewam dike. Hêzên me li Şehba û Efrînê hene. Ji bo azadiya Efrînê, li pêş me rêyek operayonê xuya dike. Dibe ku ev hinekê wext bigire, lê amadekariyên me hene. Ji bo vê operasyonê, dê bi demê re hinek tişt derbikevin holê. Em dixwazin gelê me jî di vê mijarê de amede be. Ji ber ku ev ji bo me weke ji nû de avakirinekê ye.”
MA / Nazim Daştan