ŞIRNEX – Di ser “qedexeya derketina kolanan” a ewil li Cizîrê hat îlankirin 3 sal derbas bû. Lêpirsînên der barê kuştina 21 kesan de hatin destpêkirin 4 ji wan “Biryara Lêgerîna Daîmî” dan û 7 ji wan jî bi “neşopandinê” encam bûn. 

 

Li navçeya Cîzîrê ya Şirnexê di ser “qedexeya derketina kolanan” a di navbera 4 û 12’ê îlona 2015’an de 3 sal derbas bû. Pêkanînên li ser gel û kuştina welatiyan wek duh hêj di bîra mirovan de ye. 

 

GELLEK JÊ ZAROK 21 KES JIYANA XWE JI DEST DAN 

 

Welatiyên sivîl ên di qedexeyê jiyana xwe ji dest dan wiha ne: “Mehmet Emîn Levent (21), Haci Ata Borçîn (70), Gadban (Xetban) Bulbul (78), Saît Çagdavul (19), Muhammed Tahîr Yaramiş (35 rojî), Cemîle Çagirga (13), Osman Çagli (18), Îbrahîm Çîçek (80), Meryem Sune (53), Ozgur Taşkin (17), Seyît Eşref Erdîn (59), Zeynep Taşkin (18), Maşallah Edîn (35), Mehmet Saît Nayci (17), Selman Agar (10), Bunyamîn Îrcî (14), Mehmet Dokmen (71), Bahattîn Sevînîk (50), Suphî Saral (50), Mehmet Erdogan (75) û Şahîn Açik (70)”

 

Rayedarên hikumetê yên wê demê welatiyên jiyana xwe ji dest dan wek “terorîst” aşkere kirin û malbat ji bo cenazeyên wan bêhn nedin bi rojan di sarincan de veşartin û li mizgeftan hiştin. 

 

4 DOSYE JI KIRYAR NE DIYAR RE BERDAN Û 7 DOSYE JÎ BI NEŞOPANDINÊ ENCAM BÛ

 

Lêpirsîna ji aliyê Serdozgeriya Komarê ya Cizîrê ve têkildarî mirinan dihat birêvebirin di demên dawî de bi encam dibin. Ji her yek dosyeyê herî kêm ji 100 rûpelî pêk tên û ev nivîs giştî ji nivîsên fermî pêk tên. Ji van lêpirsînan heta îro der barê 7 dosyeyan de bi hincetên cuda biryara “neşopandinê” hat dayîn. Der barê 4 dosyeyan de jî “Biryara Lêgerîna Daîmî” hat dayîn û îdia kirin ku kiryar nehatine dîtin. Der barê 3 dosyeyan de jî agahî nayên bi dest xistin. Lêpirsîna 7 dosyeyan jî hêj didome. 

 

Rewşa dawî û hin hûrguliyên der barê lêpirsîna dosyeyên mirinan de hatine destpêkirin wiha ne: 

 

“Dosyeya Mehmet Emîn Levent (21) ê li taxa Nûrê ji maşîneya zirxî hat gulebarankirin û jiyana xwe ji dest da lêpirsîna wî bi “neşopandinê” encam bû. Dosyeya wî birin Dadgeha Destûra Bingehîn (AYM). 

 

Dosyeya Haci Ata Borçin (70) ji ber teqemeniyan krîza dil derbas û jiyana xwe ji dest dan bi hinceta “neşopandinê” encam bû. 

 

Dosyeya Gadban (Xetban) Bulbul (78) ê krîza dil derbas kir jî lêpirsîna wî ya bi sûcê “peywîra xwe nebaş kiriye” bi “neşopandinê” bi encam bû. 

 

Dosyeya Saît Çagdavul (19) ji maşîneya zirxî hat gulebarankirin jî hêj dewam dike. 

 

Lêpirsîna dosyeya Muhammed Tahir Yaramuş (35 rojî) bi “neşopandinê” encam bû. Dosyeya wî birin AYM’ê. 

 

Lêpirsîna Cemîle Çagirga (10) li ber mala xwe hat kuştin û cenazeyê wê di sarincê de veşartin bi îdiaya kiryarên wê nehatine tespîtkirin û “Biryara Lêgerîna Daîmî” dan. Dosyeya ji dembihûriyê re berdan. 

 

Di dosyeya lêpirsîna Osman Çagli (18) de jî ku îfadeyên nepen hene bi “neşopandinê” encam bû. Hat îdiakirin ku Çagli “endamê rêxistinê ye” û di pevçûnê de jiyana xwe ji dest daye. 

 

 Der barê dosyeya lêpirsîna Îbrahîm Çîçek (80) de agahî nehatin bidestxistin. 

 

Ji bo dosyeya lêpirsîna Meryem Sune (53) a ji ber xwîna hundirim jiyana xwe ji dest da “Biryara Lêgerîna Daîmî” hat dayîn û hat îdiakirin ku kiryar nehatine dîtin. 

 

Lêpirsîna Ozgur Taşkin (17) dema diçû mala xizmê xwe ji aliyê sekvanan ve hat kuştin biryara “neşopandinê” hat dayîn. 

 

Dosyeya lêpirsîna Seyît Eşref Erdîn (59) ê li ber mala xwe rûniştibû di gulebaranê de hat kuştin jî vekirî ye. Lê di dosyeyê de tu pêşketin çênebû. 

 

Dosyeya lêpirsîna Zeynep Taşkin (18) a di encama gulebaranê de jiyana xwe ji dest da û pidika wê ya li ber dil birîndar bû hêj vekirî ye. Lêpirsîn dewam dike. 

 

Dosyeya lêpirsîna Maşallah Edîn (35) hêj vekirî ye. 

 

Dosyeya lêpirsîna Mehmet Saît Naycî (17) ê ji maşîneya zirxî hat gulebarankirin û ji ber windakirina xwînê jiyana xwe ji dest da vekirî ye. Gellek rapor di dosyeyê de hene û îfadeyên şahidan cih digire. 

 

Ji bo dosyeya Selman Agar (9) ê ji serê xwe gule xwar û jiyana xwe ji dest da hat îdaikirin ku kiryar nehatine dîtin û “Biryara Lêgerîna Daîmî” hat dayîn. Dîroka dembihûrîna dosyeyê jî 2040 hat dayîn. 

 

Dosyeya lêpirsîna Bunyamîn Îrcî (14) hêj vekirî ye. 

 

Dosyeya lêpirsîna Mehmet Dokmen (71) hêj vekirî ye. 

 

Der barê dosyeya lêpirsîna Bahattîn Sevînîk (50) de tu agahî nehatin bidestxistin. 

 

Der barê dosyeya Suphî Saral (50) ê li hewara Sevîk çû û bû hedefa guleyan û jiyana xwe ji dest da jî agahî nehatin bidestxistin. 

 

Der barê dosyeya lêpirsîna Mehmet Erdogan (75) jî “Biryara Lêgerîna Daîmî” hat dayîn. 

 

Dosyeya lêpirsîna Şahîn Açik (70) bi “neşopandinê” encam bû.