STENBOL - Mîtînga 1'ê Îlonê Roja Aştiya Cîhanê ku bi dirûşmeya “Aytî nayê tecrîdkirin" li qada Azadiyê ya Bakirkoyê, bi axaftinan dest pê kir. Seroka Şaxa ÎHD'ê ya Stenbolê Gulseren Yolerî, diyar kir ku avakirina cîhanek azad û aştiyane di destê wan de ye û xwest her kes ji bo aştî û azadiyê têbikoşin. 

 

Bi deh hezaran kes ji bo daxwazênk xwe yên aştiyê bînin ziman ji çar aliyên Stenblolê ber bi Qada Azadiyê ya  Bakirkoyê ve dimeşin û li qada mîtîngê kom dibin. 

 

Bi deh hezaran kes tev li mîtîna 1'ê Îlonê Roja Aştiya Cîhanê bûn û daxwazên xwe yên "Aştî nayê tecrîdkirin" anîn ziman. Bi hezaran kesên li Qada Dikilitaşê kom bûn, dest bi meşê kirin. Di korteja meşa mîtîngê de Hevberdevkên Kongreya Demokratîk a Gelan (HDK) Gulistan Kiliç Koçyîgît û Onur Hamzaoglu, parlamenterên Partiya Demokratîk a Gelan (HDP), nûnerên partiyên siyasî û rêxistinên demokratîk jî cihê xwe girtin. Parazvanen mafên mirovan, hiqûqnas, aktivîstên aştiyê û nûnerên gelek sazî û rêxistinên din jî tev li meşê bûn. Endamên Meclîsa Dayikên Aştiyê û Dayikên Şemiyê jî jibo daxwazên xwe yên aştiyê bînin ziman di meşê de cihê xwe girtin û meşiyan qadê. Koma Dayikên Aştiyê di kortejê de pankarta “Em rê nadin şer," vekirin. Di meşê de strana “Beni bul anne/Min bibîne dayê" bi dengê bilind hat strîn. Piştî bi deh hezaran kes di nokteyên lêgerînê re derbas bûn û li Qada Mîtîngê kom bûn, mîtîngê bi rêzgirtinê û axaftinan dest pê kir.  Dema wekîlên HDP'ê wêneyên aktivist û siyasetmedarê kurd Ramîn Hisên Panahiî xwest derbasî qadê bkini polîsan destûr nedan. Piştî niqaşên HDP’iyan bi polîsan re, wêne derbasî qadê dikin. Polîsan dowîzên ku li ser “Ji tecrîdê re na" nivîsandibûn, derbasî qadê nekin. Komên KESK, DİSK, TTB bi al û pankartên xwe derbasî qadê bûn. Nûner û rêveberên EMEP, Halkevleri, ESP, SYKP, Yeşil sol Gelecek, SODAP, Partiya Yeşil Sol, Yekîtiya Têkoşînê jî li qadê cihê xwe girtin. Dîsa dowîza “li dijî dowîz û enflasyona zêde dibe, divê muçeyê wan bê zemkirin" û “Em dê demokrasiya gel ava bikin û aştiyê bi dest bixin" rakirin. Dîsapankarta mezin a bi dehan zimanan “Aştî" li ser hat nivîsandin vekirin. 

 

Bi deh hezaran kesên li qadê kom bûn,  bê navber dirûşmeyên “Bijî Aştî", "Bijî biratiya gelan" berz dikin. Mîtîngê bi rêzgirtinê dest pê kir. Dema rêz hat girtin Srûda Çerxa Soreşê xwendin û tililiyên serkeftinê bilind kirin. 

 

Piştî silav kirinê Seroka Şaxa ÎHD'ê ya Stenbolê Gulseren Yolerî bi tirkî û Rêveberê DBP'ê yê Stenbolê Bilal Basutçu daxuyaniya mîtîngê xwendin. 

 

'ŞERÊ BAŞ TUNE YE'

 

Rêveberê DBP'ê yê Stenbolê Bilal Basutçu bi kurdî daxuyanî xwend û wiha got: "Em dest ji demokrasî ji aşitî û azadiyê bernadin. Di nav diroka mirovan de bi hezar salan şer çêdibin. Civaka mirov bi şûr, tîr, top, tiving û bombeyan hevdû dikujin, komkujî pêk tînin, xweza, bajar û gundan xiradikin, dişewitînin, talandikin. Ol neyara olan, mezhep neyara mezheba,  netewe neyara netewaya , mêr neyara jinan dibin, dagirkeran dagirkirina û talankirina axa gelên xwecîhan didomînin. Çima mirov mirovekî din  xulama xwe dike? Çima  qewmek xwe ji qewmek din mezintir û bilindtir dibîne? Çima civaktiya mêran zayendiya xwe ji jinan mezintir û bilindtir dibînin?

Çima civat ji bo şer û cengan fîrawûn, despot,tîran, dîktator û padîşahan afirandin û anîn serê xwe û ev afirandina didomînin?  Lê ev qas bêaqilî û bê mirovatî çima didome? Ma şer emrê Xwedê yî? Yan jî li ser asayên hiqûke gerdûnê,  li ser madeya 1'emin qanûnan "şerkirin teqez e" , " pêşî tu yê şerbikî" dinivîse (ma)? Ango, qedera mirovan bi şer û cengan diqede, bidawî dibe? Heta niha ji rûyê şer Çend milyon mirov hatiye kuştin?

Çend milyon jin û zarok hatine tecawiz kirin? Çend milyon mirov ji cîh û warê xwe reviyan?  Çend bajar û welat di nexşeyan de ji navê wenda bûn? Çend medeniyet û çand hat tinekirin? Gelo ji bo şer heya niha, çend milyon şûr, mertal û top hatin hilberandin? Gelo piştî wê, çend milyon tifing hatin hilberandin? Gelo çekên nukleerî çend  cara dikare dinyayê tine bikî? Dema ku nivê nifûsa dinyayê birçî be, bi hezar milyonan bê kar û bêmal be, çawa ji bo Endustriya Şer çend katrilyon dolar , lira  budçe dihêlînin. Berê 2 (du) Cengê Cihanê krîza ekonomik hebû.  Ev sedemê şer nîşana çi dide me?

 

EM LI HER DERÊ NE

 

Dewletên Emperyalist ji bo ku ji qrîze derkevin destpêkirina şerê dikin. Xerabûna dinyayê ne xema wan in. Armanca emperyalîstan  tenê hîn zêde dagirkirin, hîn zêde zengîn bûyîn e. Li cihanê 10  sal e krîzek ekonomîk heye. Li her derê Demokrasî gav bi gav hatin desteserkirin. Faşîzm, nîjadperestî û olperestî li cîhanê ji nû ve tê belavkirin. Mesrefên çek û topan zêde dibe. Rojhilata navîn di merkeza vê kriz û şerê bixwîn de ye. Kedkarên Tirkiyê û Mezopotamya jî wekî gelên Rojhilata Navîn encama ev zalimtiyê dibînin. Rejîma Yek Mirov li hundir û li derve domandina politîkaya şerê ji bo xwe sedema hebûn dibîne.

Li Qada Galatasaray Dayikên Şemiyê 700 hefteye ji bo ku eşkere kirina kiryara nediyar,  çalakiya rûniştinê pêk tînin.  Rejîma Yek Mirov, Dayikên Şemiyê ji xwe re neyar îlan kiriye. Li ber çavê dinyayê işkence kirin, binçav kirin. 

 Tirkiye êdî li serê sedsala 21'emîn de di nav "Rewşa Şer" de ye. Îsal 40 milyar lîra budçe ji bo şer hiştiye. Ango pêwendiya di nav bi Rewşa Şer û Budçeya Şer û krîza ekonomîk heye û ev pêwendî her ku diçe zêde eşkere dibe. Gelo ev qeder e? Civakek, jînek  bê krîz û bê şer xeyal e? Em jî dibêjîn ku; Civakekî, welatekî,cîhanekî  bê kedxwarî ne xeyal e ! Demokrasî û edalet, bi vîn û tevlîbûna gel, bi biratiya kedkar  û karkeran re, bi piştgiriya civakî û bi rêxistîbûnê pêşxistin û jiyandin mimkun e! Bi azadî, bi biratî  bi tev hev di nav aşitiyê de ziman, ol, nîjad û neteweyê bêcûdayî  jiyîn mimkin e! Şer, çanda mirin-kuştin ne qeder e! Avakirina cîhanekî azad di destên me de ye! Ji ber ku em gel in, em milyon in,  em milyar in, li cihanê em li her derê ne! Em xebatkar in,  em mirovên ku dewlemendiya serzemîn diafirînin, em in!  Cîhan mala me yê hevbeş e! Mixabin, nahelin em xwedî derkevin. Dîktator û xwinxwaran bi zordari dagirkirine. Me şer tu cara  nexwast, me şer ne afirand!

Lê di şêrê de bi milyon milyon ten kuştin, em in! Em jî dibêjin ku ; Karkeran, kedkaran, jinan, li cîhanê hemû gelên bindest  bi piştgirî li hemberê şer ji bo vîna aşitî

 ger  hêza xwe,  dengê xwe û çalakiyên xwe tevîhev bikin, bêguman serkeftin mimkun e!!

 

Bijî Demokrasî !

Bijî Têkoşîna Azadî û Aşitî!

Bijî Roja Aşitîya Cihanê Yekê Îlonê!

 

Mîting bi axaftinan didome