NAVENDA NUÇEYAN – Tirkiye ku piştî bi komên selefî re herêmên Bab, Cerablûs û Efrîn kirin bin kontrola xwe bi pêşengiya Zanîngeha Harranê lez dan xebatên vekirina fakulteyan ên li herêma Bab û Cerablusê û Efrînê.
Rektorê Herranê Ramazan Taşaltin jî berê daxuyanî dabûn k
Piştî Tirkiye bi hevkariya komên selefî ve ketin axa Sûriye û li bajarê Bab, Cerablûs û Efrînê bi cih bû, bi hevkariya Zanîngeha Harranê lez dan xebatên vekirina fakulteyan. Çavkaniyên heremê diyar kirin ku bi daxwaza AKP û Recep Tayyîp Erdogan şandeya Rektoriya Zanîngeha Herranê şandine Bab û Cerablûsê. Çavkaniyan anîn ziman ku mehek zêdeye şande li herêma Bab, Cerablûs û Ezazê lêkolîn dike. Çavkaniyan da zanîn ku armanc dikin ku li herêmê 6 fakulte û 24 beşên pîşeyî vekin. Li gor çavkaniyên ji heremê ragihandin, armanca avakirina 6 fakulte û 24 beşên pîşeyî ew e ku Tirkiye li herêmê serweriya xwe ava bike. Hat zanîn ku di nava avakirina fakulteyan a herî bal dikşîne jî li Cerablûsê amadekariya avakirina fakulteya “Dîroka Osmaniyan” tê kirin e. Hat destnîşankirin ku Tirkiye bi taybetî li ser talîmata Erdogan li hemberê îhtîmala ev herêm ji bin serweriya wan derkeve nifşê nû li gor zihniyeta Osmaniya nû çêbike, ev fakulte tên avakirin e.
Hat diyarkirin ku li gor plansaziyê ev fakulteyên bên avakirin dê bi Zanîngeha Herranê ve bê girêdan. Nayê zanîn ku li van fakulteyan dê çi ders bê dayîn û di mufredata perwerdehiyê de wê çi bê dayîn ne diyar e. Li gori agahiyên ku ji şandeyê hat girtin, hat zanîn ku li Cerablûs û Babê piranî wê li ser “Dîroka Osmaniyan”, “Dîroka Îslamê”, “Ziman, Çand û Wêjeya Tirk”, “Erdnigarî” beş bên vekirin. Hat destnîşankirin kudi broşur, pirtûk ên di mufredadê de bi wêneyan re giranî bidin serdema AKP û Erdogan. Çavkanî destnîşan kir ku di wêne, afîş û hemû cure danasîna mufredata perwerdehiyê de ji bo Erdogan pênaseya “Serokê min Erdogan”, “Serfermandarê me Recep Tayyîp Erdogan” bê kirin.
Berî dagirkirina Bab, Cerablûs û Ezazê di dibistanan de ku bi zimanê erebî perwerdehî dihat dayîn, piştre ji aliyê Wezareta Karê Perwerdehiyê a Tirkiyê ve mufredatên ji dibistana seretayî heta lîseyê hatin guherandin, zivirandin tirkî û piştre jî zimanê erebî lê zêdekirin. Ji ber hem di mufredat û hem jî tam li gor pergala perwerdehiyê ya li tevahiya Tirkiyê hate meşandin gelên heremê bertek nîşan dan û gelek caran di kolanan de xwepêşandan dihatin lidarxistin.
Di rojên borî de Rektorê Zankîngeha Harranê Prof. Dr. Ramazan Taşaltın jî diyar kiribû ku xebatên wan ên li herêma El Bab, Cerablus, Afrin û Çobanbeyê ber bi dawî ve çûne. Rektor Taşalti, anîbû ziman ku Tirkiye, bi biryara Wezîran û Ljneya Hindekariya Bilind (YOK) di pêşengiya Zanîngeha Harranê de plan dikin ku li El Babê perwerdehiya zanîngehê bidin. Taşaltın, gotibû ku wan plana perwerdehiyê kiriye û dê perwerdehiya polên yekem û duyemîn li Babê û polên 3-4'emîn jî li Zanîngeha Harranê bikin. Taşalti, dabû zanîn ku ev polîtikaya dewletê ye.
MA / Erdoğan Altan