EDENE - Şafak Yûrtman a keça wê Şebnem Yurtman a di 10'ê Cotmeha 2015'an de li Enqereyê di êrîşa DAIŞ'ê de hat kuştin, diyar kir ku ala ku keça wê danî, wan û hevrêyên wê dewir girtin û wiha got: "Helbet rojekê em ê aştiyê bînin vî welatî."
Şafak Yûrtman a keça wê Şebnem Yûrtman ku Rêvebira Partiya Kedê (EMEP) a Mêrsînê bû û di 10'ê Cotmeha 2015'an de li Enqereyê di êrîşa bombeyî ya DAIŞ'ê de hat kuştin, bi boneya 1'ê Îlonê Roja Aştiyê ya Cîhanê axivî.
Yûrtman, bilêv kir ku keça wê ji bo aştiyê û jiyaneke wekhev di 10'ê Cotmeha 2015'an de çûye Enqereyê û got: "Em ê jî biçûna. Lê belê ji ber kar û bar em neçûn. Şebnemê karê taloq kirin û doza aştiyê kir ku pirsgirêka sereke ya welat e. Em tim pê serbilind in." Yûrtman, anî ziman ku dema keça wê sax bû jî wan doza aştiyê dikir û piştî keça wê miriye ew bêtir doza aştiyê dikin.
‘BILA TU DAYIK ÊŞÊ NEKIŞÎNE'
Yûrtman, diyar kir ku ji ehr carê bêtir niha pêdiviya welat bi aştiyê heye û got: "Naxwazim zarokên me bimirin. Naxwazim tu dayik êşê bikişînin." Yûrtman, bilêv kir ku ew dixwazin ji dêvla êş û azaran hezkirin, aştî û biratî li welat peyda bibe û gel di nêvenegeke aştiyane de bi hev re bijîn.
'HELBET ROJEKÊ'
Yûrtman, anî ziman ku rojbûna Şebenemê 18'ê Îlonê ye û got: "Di her 18'ê Îlonê û 10'ê Cotmehê de dema hevalên Şebnemê tên wê çaxê fêm dikim ku gelek zarokên min hene. her ku dibînim kesên di 10'ê Cotmehê de mirine nehatine jibîrkirin, ji bo aştiyê bêtir hêvîdar dibim." Yûrtman got: "Alaya ku keça min danî, me û hevrêyên wê hilgirt. Helbet rojekê em ê aştiyê bînin vî welatî."