STENBOL – Birayê Cemil Kirbayir ê hat windakirin Mikaîl Kirbayîr, mudaxaleya polîsan û destûrnedayîna çalakiyê şermezar kir û got: "Tu hesabên ku em bidin tune ye. Lê hesabên ku ew bidin me heye. Em dîsa dipirsin gorên zarokên me li ku ne?" 

 

Dayikên Şemiyê ku xwestin di hefteya 700'î de li Qada Galatasarayê çalakiya xwe bi girseyî pêk bînin rastî êrîş û mudaxaleya polîsan hat. Dayikên ku ji 27'ê Gulana 1995’an heta niha 23 salin li Qada Galatasarayê çalakiya "Winda diyar in, Faîl li ku ne" xwestin di hefteya 700'î de bi girseyî pêk bînin, lê Wezîrê Karên Hundir destûr neda. Li ser destûrnedayîna polîsan mudaxale kir û gelek kes binçav kirin. 

 

‘EY MALBATA MIROVAHIYÊ...!' 

 

Birayê Cemîl Kirbayir ê di 13'ê îlona 1980’an de hat binçavkirin û windakirin Mikail Kirbayir, diyar kir ku 699 hefte ye çalakiya xwe berdewam dikin û li aqûbeta windayan digerin û wiha got: “Em dîro rastî helwesta dewletêku em ne dûrî wê ne hatin. Demek dirêj e ev helwesta xwe dabû ji bîrkirin. Em malbatên ku neviyê dilê wan ji aliyê rayedarên dewletê ve hatin qetilkirin û windakirin in. Qerîna me ji abîdeya mirovahiyê re ye. Ey malbata mirovahiyê, hêzên ewlehiyê yên dewletê xizmên me qetil kirin û windakirin. Gorên wan ji aliyê heman hêzan ve hatin windakirin. Daxwaza me ya gel ev e. Xizmên me yên hatin binçavkirin û windakirin welatiyên vî welatî ne."  

 

‘EW SÛCDAR IN AN EM KESÊN KU MAFÊN XWE DIXWAZIN?' 

 

Kirbayir, anî ziman ku bi hinceta "Provokasyonan" destûr nedan çalakiya wan û wiha berdewam kir: "Ya me ne çalakî ye. Ya me daxwaz e. Em berxwedan û edaletê dixwazin. Dê kî edaletê ji bo welatiyan ava bike. Hûn dê çawa li ruyê me binerin. Ger ku em welatiyê vî welatî ne, hûn dê bi çi rûyî li rûyê me binerin. Em raste rast li çavên we dinerin. Ji ber ku hesabê me yê em bidin we tune ye. Lê hesabê hûn bidin me heye. Em dipirsin gorên me li ku ne? Yên windakirin sûcdar in, an em kesên ku mafê xwe dixwazin?" 

 

 

Xizma windayan Fatma Kırbayir jî anî ziman ku heta hestiyên xizmên xwe bibînin û edalet pêk bê dê li vê qadê bin û çalakiya xwe berdewam bikin. Fatma, anî ziman ku her ew dibêjin ‘Cemil Kırbayir li ku ye' wan bêtir li wê da û wiha got: "Xwestin min binçav bikin. Ma ji xwedê natirsin. Em ji bo qerîna xwe bilind bikin li vir in. Em dixwazin windayên me bidin me û em aram bibin. Em hestiyên windayên xwe dixwazin. Ger ku hestiyên zarokên me dabûna me emê îro ne li vir bûna. Em ne dîtin ku li holê vala vala bigerin. Polîs ji min re dibêje 'Têkeve qatê ez te binçav bikim. Ez jî dibêjim hûn berê windayên me bidin me." 

 

CEMÎLÊ ME BIDNIN ME

 

Kirbayir, destnîşan kir ku 38 salin li hestiyên birayê xwe digerin û wiha got: "Bê guman em dê li welatê xwe dengê xwe bilind bikin da ku Serokwezîr û serokomar vê yekê bibhîzin. Her roj ez li birayê xwe difikirim û serê xwe datînim ser balgiyê. Ez her şev wî difkirim. Perçe perçe kirine. Bi  vê yekê jî nayên ser tundilê li ser me dikin. Me welatê xwe û mala xwe terk kir û hatin vir. Ma em dê heta ku biçin. Bila berê hestiyên me bidin me û piştre bi aixvin. Bila Cemîlê me bidin me." 

 

EZ BIMIRIM JÎ NEVIYÊ MIN DÊ LI VIR BIN

 

Hevjîna Huseyin Taşkaya Sultan Taşkaya jî anî ziman ku ew bi armancek xerab nehatin vir û wiha got: "Em li xizmên xwe digerin. Heta ku hemû hêza min hebe ez dê li vir bim. Piştî ku ez çûm jî dê niviyên min li vê qatê bin. Ev ne cara yekem e em rastî êrîşan tên. Heta niha me li vê qadê gelek xaz xwar. Em ji hemû kesan piştgiriyê dixwazin." 

 

Xizmê windayan Îkbal Eren jî anî ziman ku ji bo wan hemû hefte dişibin hev û wiha got: "Ji bo me hefteya 700'an. an jî hefteya 699'an hemû wekhev in. Lê me dixweset di hefteya 700’an de em bêtir xwe bigînin mirovan û bêtir dengê xwe bilind bikin. Ez dê vê hefteyê jî û her hefteyê jî li vir rûnêm û çalakiya xwe berdewam bikin."