DÎLOK – Malbat û saziyên civakî gorên 56 kesên di êrîşa DAIŞ'ê ya li dijî dawetê ya li taxa Beybahçe ya Dîlokê de jiyana xwe ji dest dan ziyaret kirin û ew li ser gorên wan bibîr anîn. Dayika Orhan Yavûz ê 10 salî Hezar Yavuz, diyar kir ku bi salan bi kedek mezin Orhanê xwe mezin kir kurê wê ji destê wê girtin. 

 

Endamên DAIŞ'ê di 20'ê Tebaxa 2016'an de li Taxa Beybahçe ya Şahînbey a Dîlokê li dijî daweta malbata kurd êrîş pêk anî û 40 jê zarok 56 kes kuştibûn. Malbat û saziyên civakî gorên 56 kesên di êrîşa DAIŞ'ê ya li dijî dawetê ya li taxa Beybahçe ya Dîlokê de jiyana xwe ji dest dan ziyaret kirin û ew li ser gorên wan bi bîr anîn. Malbatan li cihê ku komkuji lê pêk anîn bernameya bîranînê pêk anî. Malbat û rêveberên HDP, DBP, ÎHD'ê amade bûn. Li cihê bûyerê dirûşme berz kirin axaftin kirin û qurnefil danîn cihê bûyerê. 

 

 

Hevserokê HDP'ê yê Dîlokê Muslum Kilinç, anî ziman ku ji ber hesab ji bûyerên DAÎŞ'ê yên berê nehat pirsîn li Beybahçe êrîşek din pêk hat û ev komkujî pêk hat. Kilinç xwest ji bo bûyerên bi vî rengî dubare nebin, hesap ji kujeran bê pirsîn û bûyer bên ronîkirin.

 

Hezar Yavuz a kurê xwe Orhan Yavûz ê 10 salî ku di komkujiyê de wina kir jî bertekên xwe anî ziman û wiha got: "Min kurê xwe bi hezar zor û zahmetî mezin kir. Heta ku edalet pêk bê ezê têbikoşim. Ez dijminê wan nas dikim. Em dixwazin kujer bên cezakirin."