Polîsan welatî Mûrat Sari, di serdegirtinên malan ên 15’ê Tebaxê yên li Taxa Hurriyetê ya navçeya Bazîda Agiriyê de, derp kirin. Sari di peyamên ji parlamenterê Partiya Demokratîk a Gelan (HDP) Agiriyê Abdullah Koç re şandin de, tiştên jiyan wiha vegot: “Polîsan bi ser mala lê dijiyam de girtin û çawan ku min derî vekir, bi qûndaxa çekê li serê min xistin. Serê min şikandin û xwîn ji serê min herikî. Li ser vê yekê ez bi erdê re dirêj kirim û destên min paşve kelepçe kirin. Nêzî 20 deqeyan ez win li erdê hiştim. Polîsan bertek nîşanî axaftina bi Kurdî ya dayîka min dan. Di wê rewşê ez birin mala li kêleka mala me. Piştî du saeta ez birim nexweşxanê. Polîsan li nexweşxanê gotin ‘serê wî li derî ketiye’ û ligel vê jî 11 polîsan derbarê min de gilî kirin.”

 

POLÎS: DUA BIKI KU ME TENÊ SERÊ TE ŞIKAND

 

Sari, di dewama peyamên xwe de wiha domand: “Li nexweşxanê destpêkê serê birîna serê min dirûtin û dûre ez birim qereqolê. Piştî encamên testên hatibûn girtin derketin,  bijîşkan gotin ‘ewşa wî cîdeye.’ Polîsan cardin ez birim nexweşxanê. Ez hatim emeliyat kirin. Hîna birîna min û canê min diêşin. Polîsan ji min re gotin ‘Dua bike ku me tenê serê te şikand.’ Ez polîsan nasnakim. Ji xwe ez li nexweşxanê hiştim û çûn.”

 

'EM HEMÛ PAŞVE KELEPÇE KIRIN'

 

Birayê Mûrat Sari Azad Sari bûyerên di serdegirtina polîsan de hatin jiyîn ji Ajansa Mezopotamya re vegotin. Bira Azad Sar, diyar kir ku li ber çavên wî birayê wî derp kirin û wiha axivî: “Hemû zilamên li malê bi erdê re dirêj kirin û destên wan paşve kelepçe kirin. Dema jinbira min wêneyê înkencekirina birayê min kişand, polîsan heqaret lê kir, telefonê wê jê girtin û wêne jêbirin.”

 

'EM SERLÊDANA SÛC BIKIN'

 

Sari, anî ziman ku serê birayê wî derz bûye û wiha got: “Polîs bêyî ku agahî bidin me, birayê min emeliyat kirin. Rewşa wî niha başe, lê fikarên wan hene. Em ê şopdarê bûyerê bin. Em çawan raporên birayên min bigirin, emê li dozger serlêdana sûc bikin.” 

 

'HEWL DIDIN GEL BIXIN BIN ZORDESTIYÊ'

 

Parlamenterê HDP’ê yê Agiriyê Abdullah Koç jî, anî ziman ku ev asta êrîşên li Kurdistinê nîşan dide û wiha bilêv kir: “Polîtîkayên înkarkarina îşkenceyan qet negûherîne. Gava desthilatdar li herêmê winda dike, destê bi polîtayên êrîşkirinê dike. Hewl didin gel bixin bin zordestiyê.” 

 

'EM Ê ŞOPDARÊ DOZÊ BIN'

 

Koç, da zanîn ku ewê şopdarê tişt bi serê malbata Sari anîn bin û wiha dawî li axaftina xwe anî: “Em ê li dozger serlêdana sûc bikin. Serê kesekê şikandin, li dijî hiqûqiyê. Ev rewşa hat jiyîn, ne takekesiye, rewşek giştiye. Nêzîkatiya wan a li dijî gelê Kurd vaye li holê ye. Emê şopdarê dozê bin û dest ji vê bûyerê bernedin.”

 

MA / Berîvan Altan