STENBOL – Perwerdekara Tenduristiya Zayendê Eylem Karakaya, diyar kir ku di pêvajoya dîrokiyî de di navbera îstismara zayendî û şideta li hemberî jinê de têkiliya otorîte û hêzê heye û tişta sereke ya di îstismarê de têkildarî qebûlkirinên civakiyî ye û ev yek ji dîrokê ve heta niha wisa ye. 

 

Di demên dawî de îstismarkirina zarokan zêde bû. Li gel van bûyeran ji bo çareserkirinê pêşniyaz jî tên kirin, lê belê bertekên li hemberî hin çareseriyan û van bûyeran didomin. Perwerdekara Tenduristiya Zayendê Eylem Karakaya, destnîşan kir ku di navbera îstismar û şidetê de têkiliya otorîte û hêzê heye. 

 

‘DI ÎSTISMARÊ DE TKILIYA OTORÎTE Û HÊZÊ HEYE' 

 

Karakaya got: "Li holê erkek heye. Ev yek dibe ku dewlet be jî û kesek din be jî. Ev yek ji bo tatmîna xwe ya zayendî bi ser kesê lawaz ve diçe û îstismar dike û her wiha ji bo hêza xwe nîşan bide jî şidetê li jinê dike. Di hemû cureyên şidetê de xebitandina mekanîzmayê hema bêje wek hev e. Di îstismarkirina zayendî de tişta sereke têkildarî qebûlkirinên civakiyî ye ku ev yek ji dîrokê ve heta niha wisa ye. Civakê li derekê hin tişt qebûl kirine. Dema em li mîtolojiyê dinerin em dibînin ku keçên bakîre qurbanî xwedayan tên kirin an jî zarokên kur ji bo şahiyê berpêşî şervanên yewnanî tên kirin û niah jî zewicandina di temenên biçûk de tê kirin. Tê gotin ku edeta me wiha ye û ev yek wekî tiştekî normal be tê nîşandan. Ev rewş di heman demê de di jiyanê de jî wekî tiştekî normal be tê nîaşndan. Dema mijara zayendiyê, şerm û guneh jî tev li dîmenê dibin, gelek tiştên ku em vedişêrên an jî em li hember dertên rû didin." 

 

DIVÊ PERWERDEHIYA ZAYENDÎ HEBE 

 

Karakaya, destnîşan  kir ku tişteke ku tê îhmalkirin jî ew e ku di pergala tenduristiyê de meseleya ku zarok li kuderê vê meseleyê ye. Karakaya, bilêv kir ku pornografî êdî ji 8 saliyê ve daxilî jiyana zarokan dibe û got: "Divê li her derî mafên zarokan bêb bilêvkirin û têkildarî vê tevdîr bên girtin û sererastkirin bên kirin. Divê perwerdehiya zayendî bê parastin. Em jî li navenda xwe ji çaxê pêşdibistabê heta zanîngehê dersa perwerdehiya zayendî didin. Çimkî ev mafekî perwerdehiyî ye. Mafê zarok e ku hay ji bedena xwe hebe, hay ji na'yê hebe." 

 

Karakaya destnîşan kir ku polîtîkayên hikûmetê yên di warê îstismarkirina zarokan û ji bo çareserkirina wan tune ne û îktîdar zarokan wekî noqteyeke lawaz a xelekê dibîne. 

 

‘DIVÊ HEMÛ RÊXISTIN BI HEV RE BIXEBITIN' 

 

Karakaya, anî ziman ku divê di têkoşîna ji bo jin û zarokan de hemû rêxistin bi hev re bixebitin û got: "Divê tu lukseke rêxistinekê tune be ku bi hev re nexebitin. Çimkî eger armanc yek be, hikûmet jî mecbûr e ku bi min re bixebite. Divê em karibin bi komeleyeke zarokan û qurseke Qur'anê re jî bixebitin, çimkî zarok diçin wir. Divê em di warê şideta li hemberî jin û zarokan de bibin yek. Dema em di xaleke hevpar û zimanekî hevpar de bigihên heve, jixwe wê çaxê dê otorîte û erk bê rûxandin. Wekî din titşekî ku bê kirin tune ye. Çimkî em ne lawaz inî, hêzdar in." 

 

MA / Necla Demir