Hat diyar kirin ku Walîyê Silêmanîyê Heval Ebubekir ji bo seferên Tirkiyeyê li balafirxaneya Silêmaniyê destpê bikin,  di 5’ê Tebaxê de çû serdana Bexda û bi rêveberiya giştî ya balafirxaneyên Iraqê Elî Celîl re hevdîtin kir.  Li gorî agahiyan, di civînê de Waliyê Silêmaniyê Ebubekir, ji bo dest pê kirina seferên Tirkiyeyê li balafirxaneya Silêmaniyê ji rêveberiyê Iraqê Elî Celîl daxwaz kiriye ku bikeve navbera wan û Tirkiyeyê û vê hewldana wan cîdî bigirin. 

 

‘BEXDA JÎ NIKARE TIŞTEKÊ BIKE’

 

Endamekê rêvberiya YNK’ê yê nexwest navê xwe bide, anî ziman ku hewldanên wan ji bo asayîkirina peywendiyên navbera Tirkiye û YNK’ê de bê encam mane û Bexda jî diyar kir ku nikare ji bo rakirina dorpêça li ser balafirxaneya Silêmaniyê, zextê li Tirkiyeyê bike.

 

‘TIRKYE LI HINCATAN DIGERE’

 

Heman çavkaniyê, da zanîn ku Tirkiye tenê li hincetan digire û wiha bilêv kir: “Tirkiyey bê sedem YNK’ê sûçdar dike. Tirkiye daxwaze PKK’ê ji herêma Kurdistanê derbikeve.  Tirkiye ligel bi alîkariya hêzên heremî (YNK, PDK) bi salane li dijî PKK’ê şer dike jî, ew bi xwe ji nikarin PKK’ê ji herêma Kurdistanê derxin.”

 

Rêveberê Giştî yê Firokexaneya Navdewletî ya Silêmaniyê Tahîr Ebdullah jî, da zanîn ku wan ji bo rakirina dorpêça Tirkiyeyê ketin nava gelek hewldanan û wiha got: "Lê mixabin hikûmeta Iraqê tu bertekên erênî nedan me. Gelek xemsarî nêzî mijarê bûn. Me di derbarê mijarê de nameyek taybet ji Heyder Ebadî re şand, lê heya niha tu bersiv ji mere ne hatine dayîn."

 

PIŞTÎ ENDAMÊN MÎNÊ HATIN DESTESERIRIN

 

Weke ku tê zanîn Hêzên Parastina Gel (HPG) di 4’ê Tebaxa 2017’an de li navçeya Dukan a girêdayî Silêmanîyê du endamên MÎT’ê yên payebilind ên bi navê Erhan Pekçetîn û Aydin Gunel jî di nav de gelek endamên MÎT’ê di operasyonekê de desteser kiribûn. Ji ber vê sedemê, Tirkiye ji Nunerê YNK’ê Behruz Gelalî xwest ku di nava sê rojan de Tirkiyeyê biterikîne. Ji vir û şûnde têkilîyên YNK û Tirkiyeyê xirab bûn.