Siyasetzan û Psporê Rojhilata Navîn Mustafa Pekoz li ser mamseya diyalogê ya navbera Meclîsa Sûriyeya Demokratîk (MSD) û Hikumeta Sûriyeyê û geşedanên li Rojhilat Navîn pêşdikevin ji Ajansa Mezopotamyare (MA) nirxan. Pekoz da zanîn ku di piştperdeya hevdîtina herdu aliyan de Rusya û DYA heye û dê maseya nava MSD û Esad dê şerê li Sûriyeyê jî bidawî bike.x

 

'LI SÛRIYÊ DU HÊZÊN STRADEJÎK'

 

Li Sûriyê du hêzên stratejîk man. Yek jê Meclîsa Suryeya Demokratîk (MSD) e û yê din jî Hikûmeta Sûriyê ye. Pekoz da zanîn ku Amerîka li Sûriyeyê destek dide MSD’ê. Rusya jî dide Rejîmê. Divê qala Îranê jî bê kirin. Lê pozîsyona Îranê li Sûriyê lewaz bûye. Ji ber vê jî di qada navneteweyî de 2 aktorên wek Rusya û Amerîka hene. MSD û Hikûmet jî wek du hêzên herêmîne. Hemû geşedanên li Sûriyê dê di navbera vana hêzan de derbas bibe.

 

'DERFATÊ TIRKIYÊ NÎNE LI SÛRIYÊ BIBE AKTOR’

 

Pekgoz vegot ku daxwazên polîtîk destur û derfat nadin Tirkiye bibe aktor. Pekoz balkişand ser pozîsyona Tirkiyê ya li Sûriyeyê û wiha pêde çû: “Taybet jî Tirkiye nikare li Sûriyeyê bibe hêzeke aktor.” 

 

'LI SÛRIYÊ DAWIYA ŞER TÊ' 

 

Pekoz balkişad ser hevdîtina Serokdewletê Amerîka Donald Trump û Serokdewletê Rusya Vladimir Putîn a li Paytexta Fînlandiya Helsinkiyê û wiha pêde çû: "Dawiya şer tê. Pirsgirêk her diçe tên ser maseyê. Di hevdîtinê de amedekirina Dastura Bingehîn û qebûlkirina herêma bin destên Kurdan ji aliyê Esad ve du mijarên esas in. Ancax di hevtîtinê de du xalên din jî hene pir girîngin. Yek jê li ser masê qebûlkirina pozîsyonaMSD’ê ye. Ya din jî qebûlkirina Amerîkayê ya Rejîma Sûriyê ye. Ev ji bo Rusyayê jî pozîsyoneke pir baş û girîng e.”  

 

'DU MIJARÊN ESAS ÊN DI NAVBERA TRUMP û PUTÎN DE'

 

Pekoz li ser hevdîtina Trump û Putîn a li Helsinkiya paytexta Fînlandiyê pêk hat jî van tespîtan kir: "Di hevdîtinê de rewşa Sûriyê û ya din jî pozisyona Îranê girtin dest. Ez bi Îranê dest pê bikin. Stratejiya Amerîkayê ne ev e ku êriş bibe ser Îranê û rejîmê biguhêrîne. Hedefa xwe ev e li Rojhilata Navîn rê li ber hewildanên emperyal ê Îranê bigire û hêza wî daxe asta herî jêr. Gava herî sereke ya ji bo vê jî Sûriyeye. Amerîka di civînê de daxwaz kiriye ku Îran li Sûriyê nebe hêzeke jeopolîk û li peravê Derya Sipî nebe xwedî baregeh. Dixuye Putîn û Trump li ser vê lihev kirine."

 

'WATEYA OPERASYONA IDLIBÊ'

 

Li gor nîrîna Pekoz di nava çend hefteyan de operasyona Idlibê dê dest pê bike û mijarê wiha vekir: "Heta hawirdora Helebê ‘paqij nebe’ ne pêkane navenda Helebê di ewlehiyê de be. Ji bo vê dê xeta Idlibê û hawirdora Helebê dê bê kontrolkirin. Dê Rejîma Sûriyê berbi sînorê Hatayê ve operasyon bike û teqez dê van herêman jî kontrol bike. Ev jî dê bibe qedandina şerê li Sûriyê.”

 

'NEÇARE KU TIRKİYE JI EFRÎNÊ DERKEVE'

 

Pekoz nirxandina xwe wiha dirêj kir: “Operasyona Idlibê dê rê li ber koçeke nû ya penaberan a ber bi Tirkiyê ve veke. Hin ji hêzên çekdar pêkane ku derbasê nav sînorê Hatay û Efrînêbin. Ev tiştan pir girîn in. Dibe ku hin çekdar bişînin el Babê. Ev siyaset di rojevê de ye. Herî dawî dê statuya Efrînê jî di navbera Hêzên Sûryeya Demokratîk (QSD) û Rejîma Esad de bê zelalkirin. Ji xwe hêzên çekdar ê biyanî li Idlib, Efrîn û El Babê hene. Ev jî nîşan dide ku Efrîn û El Bab bi krîzeke mezin re rûbirûne. Diramên Îsanî bên jiyîn. Mîlîtanên Îslamîst bikevin wan herêman. Dê statuya civaka kurd a li wê xira bikin. Li Efrînê êrişê li dijî kurdan zêde bikin. Bo ku li herêmê leşkerên Tirk hene dê berbirs Tirkiyebe. Tirkiye û Artêşa Sûriyeya ‘Azad’ bi hev re wan herêman kontrol dikin. Wateyeke din a vê rewşê jî ev e ku Tirkiye ji wan herêman û Efrînê bê derxistin e.”

 

‘AMERÎKA Û TIRKIYE NE MUTEFÎK 

 

Pekoz di dawiya gotinên xwe de dide zanîn ku têkiliyên Tirkiye û Amerîkayê qediyane. Pirsgirêkên Tirkiye û Amerîkayê mezin in. Herî dawî gefên ku Amerîka li Tirkiyê xwar nîşan dide ku êdî Tirkiye ne mutefîkê Amerîkayêye. Tirkiye ji bo Amerîkayê ne di girîngiya setratejîk de ye. Cîgirê Serokdewletê Amerîkayê diyar kir ku ew bi navê Serokdewletê Amerîkayê gefan li Tirkiyê dixwe. Wateya gefê eve e ku Tirkiye kêşeyê çareser bike.”

 

MA / Selman Guzelyuz