SÊRT – Di operasyona leşkerî de ya li Berweriyê didome teqîn rû da û hat zanîn ku cerdevanek birîndar bû. 

 

Li herêma Ayvatepe ya bejahiya navçeya Berwarî ya Sêrtê operasyona leşkerî didome. Li gorî agahiyên hatin bidestxistin şevê din di dema operasyonê de teqînek pêk hatiye. Têkildarî teqînê agahiyên berfireh nehatin bidestxistin û hat zanîn ku cerdevanek birîndar bûye. Cerdevanê birîndar rakirin Nexweşxaneya Dewletê ya Sêrtê. 

 

Hat ragihandin ku li herêmê bi beşdariya cerdevanan operasyona leşkerî dewam dike.