ÎZMÎR - Polîs mudaxeleya çalekiya şermezar kirina xwendekarên Zanîngeha Egeyê ya ji bo mirina 301 xebatkarên kana komirê ya Somayê kiribûn û di mudaxele û êrişa polîsan de avahiya Dibistana Bilind a Zimanê Biyanî xesar dîtibû. Rektorê Zanîngehê cirma xesara polîs pêk anîn, li 38 xwendekarên çalekî pêk anîi birî. Ji xwendekaran xwest ku avahiya zanîngehê 338 hezar 860 TL xesar dîtiye û cirma xesarê bidin.
Li Somaya Navçeya Manîsayê 13’ê Gulana 2014’an di kana komirê de 301 xebatkarên kana komirê jiyana xwe ji dest dan. Piştî karesatê li Zanîngeha Egeyê hemû aktivîteyên plankirî hatin betalkirin. Xwendevanên Zanîngeha Egeyê Şahiya Xwendekaran a Canan Kulaksiz a alternatîf bexşê 301 karkerên kana komirê ên jiyana xwe ji dest dan kirin û xwestin merasîma bîranînê lidarxin. Xwendekaran xwest torena bîranînê 19’ê Gulanê li zanîngehê lidarxin. Yekîneyên Ewlehiya Taybet a Zanîngeha Egeyê û polîsên Miduryeta Îzmîrê bihevre êrişê merasîma bîranînê ya xwedekaran kirin. Xwendekaran kontrola avahiya Dibistana Bilind a Zimanê Biyanî girt destê xwe. Polîs bi tund êrişê xwendekaran kir û 38 xwendekar kir binçavan.
JI HER XWENDEKAREKÎ RE 22 SAL CEZA TÊ XWESTIN
Di Dadgeha Cezaya Giran a 2’emîn a Îzmîrê de bi îdiaya ku xwendekaran “zirar dane malê zanîngehê”, “Perwerde û hîndekariyê astengk kirine”, “Rê li ber pêkanîna xebatê birîne”û “propagandaya rêxistinê kirine” ji bo her yek ji wan re 22 sal ceza tê xwestin. Rektoriya Zanîgehê jî teblîgat şand malên xwendekaran.
338 HEZAR TL JI XWENDEKARAN TÊ XWESTIN
Di tebligata Rektoriya Zanîngeha Egeyê de tê xwestin ku xwendekar 338 hezar û 860 TL û 87 Quriş a zerar dane bidin. Ji bo vê jî tenê 30 roj dem daye.
‘NE DADWERIYE’
38 xwendekarên ji wan re teblîgata Rektoriyê hatiye şandin bi hev re bi destê parêzerên xwe îtîrazeke hevpar kirin. Di danezana ku hevpar dan Rektoriya Zanîngehê diyar dikin ku teblîgat û pêkanîna darizandina me ne dadweriye û wiha tê gotin: “Di holê de tu biryareke teqez a dadgehê nîn e. Bê biryareke teqez a cezayê çewan dibe yekser xwendekar sucdar tên nîşandin û ji wan ev pere tê xwestin. Ev bi tu awayî li dijî karneya mahsumiyetê ya mirov e. “
Di danezanê de ev pirs tê kirin: “Gelo xesara ku hêzên polîs û ewlehiya taybet dane zanîngehê hatiye tespîtkirin. Gelo heman teblîgat ji bo polîsên xesardane avahiya zanîngehê jî re hatiye şandin an na? Daxwaze bersiva van pirsan jî ji Rektoriyê tê kirin.”
MA / Ahmet Kanbal