Li Rihayê di 11’ê kanûna 2016’an de ji ber xebatên siyasî Hevseroka HDP’a Rihayê ya berê Leyla Akçan, Hevşaredarê Xelfetî Mustafa Bayram, siyasetmedar Îsmaîl Kaplan, rêveberê HDP’a Rihayê Mehmet Bînîcî û Hevserokê HDP’a Bêrecûkê Ahmet Kiliç hatibûn girtin û ji dozê tên darizandin. Danişîna ewil a siyasetmedaran piştî 20 mehan hat dîtin. 

 

Siyasetmedar Îsmail Kaplan ji dozê serbest tê darizandin. Ji bilî Ahmet Kiliç û Kaplan girtî û parêzer tev li danişînê bûn. Danişîna ya ku li Dadgeha Rihayê hat dîtin bi xwendina îdianameyê dest pê kir. Pişt re siyasetmedaran parastina xwe kir û sûcdariya li wan hatiye kirin red kirin û gotin wan di çarçoveya siyaseta demokratîk de siyasetê birêve biriye û berdana xwe daxwaz kirin. 

 

Parêzeran jî da zanîn ku girtina dem dirêj a miwekîlê wan veguheriye cezakirinê û ji ber vê dema dirêj divê demildest miwekîlên wan bê bedan. 

 

Piştî navberdayînê heyeta dadgehê daxwaza girtî û parêzeran red kir û biryara dewama girtina siyasetmedaran da û danişînê taloqî 6’ê Îlonê kir.