Komeleya Mafên Mirovan (ÎHD), di 17'ê Tîrmeha 1986'an de bi îmzeya 98 kesan hat avakirin. ÎHD, 32 sal li pey xwe hişt û bû 32 salî. Bi minasebeta 32'emîn salvegera damezirandina ÎHD'ê, li Navenda Giştî ya ÎHD'ê civîna çapemeniyê pêk anîn. Di civînê de Hevserokên ÎHD’ê yên berê, endamên Lijneya Rêveberiya Navendî û gelek kesên din amade bûn. Di civînê de Hevserokê Giştî yê ÎHD'ê Ozturk Turkdogan, diyar kir ku di nava sazumankarê komeleyê de xizmên girtiyan, rewşenbir, nivîskar, rojnameger, akademisyen, endezyar, weşanger û mamoste jî hebûn û wiha got: "Berî her tiştî sazumankarên di vê têkoşînê de jiyana xwe ji dest dan wan bi rêzdarî bibîr tînim. 

Ger ku hêj li Tirkiye pirsgirêka demokrasî, mafên mirovan heye, ev nîşan dide ku bîrdoziya dewletê hêj serdest e. Ev bîrdoziya dewletê xwe dispêre hîmê nijada tirk û muslimanên sunnî. Ji bilî van baweri û nijadan kesên din tên înkarkirin. 

 

Turkdogan, da zanîn ku di navber 2013-2015'an de pêvajoya çareseriyê pêş ket û wiha lê zêdekir: "Di vê pêvajoyê de mirov nehatin kuştin. Ji bo şer pêk nehat, bîrdoziya dewetê dîsa pêvajoya şer xist meriyetê. Îktîdara siyasî jib o hemûna xwe berdewam bike, serî li rejima otorîter da. Ji bo demokratikbûna Tirkiye pêdivî bi çareseriya rast heye. Bandora cîhanê jî li ser otorîterbûna tirkiye heye. Modernîteyağ Kapitalist ji parastina mafên mirovan bêzar e. Ji ber vê yekê wekî amûr li mafên mirovan dinere. 

 

PÊŞNIYARÊN ÎHD'Ê HENE 

 

Turkdogan, di 32'emîn sala ÎHD’ê de ev pêşniyar kir: 

 

* Ji bo Tirkiye demokratîk bibe divê çareseriya şere rast pêş bixe. Divê teqez bi rastiya xwe re bê rûqalî hev. Divê Tirkiye pirsgirêka kurd qebûl bike û pêvajoyek nû ya aştiyê bide destpêkirin. Di serî de civaka elewî, divê hemû ên din qebûl bike û mafê wan biparêze. Ji bo vê yekê pêdivî bi vînek nû ya siyasî heye. 

 

* Pêdiviya Tirkiye bi qanûna bingehîn a demokratîk heye. Heta ku Qanûna bingehîn a demokratîk neyê sazikirin çareserî mîzoger nabe. Bi guhertina qanûna 82'an çareserî ne pêkan e. 

 

* Azadiya îfadeyê bingeha demokrasiyê ye. Divê teqez azadiya raman û îfadeyê bê parastin. Divê azadiya raman û çapemeniyê bê mîsogerkirin. 

 

* Divê muxalefeta civakî û têkoşîna hevpar a mafên mirovan û demokrasiyê karibe xwe bi rêxistin bike. 

 

* Li Tirkiye divê pirsgirêk li gorî pergala demokratîk çareseri bibin.

 

* Divê cudakariya hêzean xwe biparêzin. Divê daraz bê alî û li gori serdestiya hiqûqê xwe bi rêxistin bike. 

 

* Rêveberiya demokratîk şert e. 

 

* Divê mafê aborî û civakî bi zagonan bê parastin. 

 

* Divê zextên darazê li ser parazvanên mafên mirovan bi dawi bibe. 

 

* ÎHD di şerten OHAL'ê de li dijî şertên OHAL'ê hat avakirin. Bi 32 KHK yan bi sedan 100 zagon hatin guhertin û bi hezaran 1000 hezaran guhertin çêbûn. Divê teqez rejima OHAL'ê bi dawî bibe. Divê hemû kesên di serdema OHAL'ê de mexdûr bûne mexdûriyeta wan bê çareserkirin. " 

 

Turkdogan, ani ziman ku wekî parazvanên mafên mirovan di bin baneyê ÎHD'ê de 32 salin ji bo parastina mafên mirovan, azadî, wekhevî, edalet, heq û aştiyê dixwazin. Ji bo demokratîkbûna Tirkiye têkoşîna xwe berdewam dike. 

Daxwaza Hikûmetê ya zagona OHAL'ê li djî mafên mirovan û qanûna bingehîn e. Bi vê zagonê her çend OHAL rabe jî dê OHAL hebûna xwe veşarî bidomîne. Ev bi awayekî keyfî binpêkirina Qanûna Bingehin e. Em li dijî avakirina OHAL'a mayinde ne."