Serokatiya Daîreya Xizmetên Astengdar û Kal û Pîran a Şaredariya Bajarê Mezin a Amedê li Navenda Kongreyê ya Çand Amedê bi boneya 10-16’ê Gulanê Hefteya Astengdaran komxebata “Di medyayê de astengdar, zimanê tundiyê û bêastengtiyê” li dar xist. Serokê Daîreya Xizmetên Astengdar û Kal û Pîran Îsmaîl Degîrmencî û gelek rojnameger tev li bûn. 

 

Moderatoriya komxebatê Sînan Ok kir û Hevberdevka Komîsyona Astengdaran a DEM Partiyê Hatîce Betûl Çelebî axivî. 

 

‘MAFÊN ASTENGDARTIYÊ MESELE YE’ 

 

Hatîce Betûl Çelebî bal kişand ser girîngiya komxebatê û got: “A rast ev komxebat cihê serbilindiyê ye ji ber ku heta niha di vê mijarê de bi medyayê re tu xebatên hevpar nehatine kirin. Em serbilind in ku ev li Amedê tê destpêkirin. Meseleya astengdartiyê çi ye? Meseleya astengdariyê ne meseleya hezkirinê ye, meseleya mafan e. Piranî di nava civakê de pêşdaraziyek heye. Wiha hatiye lê bila wiha neçe. Em niha bangê li tevahiya Tirkiyeyê dikin. Her wiha em vî zimanê cinsperest, nîjaderest û bêastengtiyê biguerînin. Ji ewil divê em vî zimanê jehrî biguherînin piştre jî zîhniyeta xwe.” 

 

Hatîce Betûl Ok piştre jî pêşkêşiyeke têkildarî nûçeyên li ser medyayê hatine parvekirin kir. 

 

Komxebat, bi pirs, nêrîn û pêşniyarên beşdaran bi dawî bû.