Li Şirnexê ku di hilbijartina 1’ê Mijdara 2015’an de HDP’ê 85.5 ji sedî deng girtibûn û hemû parlementer qezenc kiribûn, AKP’ê ji bo hilbijartina 24’ê Hezîranê Rizgin Birlik, Hatice Atan, Mehmet Emin Dindar û Mahmut Okten wekî namzet nîşan da. Ji van namzetên ku li bajêr tu hêz û bandorek wan tune ye, ya herî ecêb jî Hatce Atan e ku bi salan e li bajêr Seroka Baskên Jinan a AKP’ê ye. 

 

‘SEROKA XEYRÎ FERMÎ’ YA ŞERADARIYAN 

 

Piştî ku qeyûm tayînî şaredariya Şirnexê û navçeya Cizîrê hatin kirin, Atan wekî “seroka xeyrî fermî” ya van şaredariyan tê zanîn û li her derê tîne ziman ku ew keça manewî ya Serkomar Recep Tayyip Erdogan e. Di hemû çalakiyên şaredariyên navborî de, ew qurdeleyan jê dike û di protokolên bernameyên fermî di cih digire. Her wiha bi destê Atanê gelek kes ji kar hatine avêtin. 

 

PIŞTÎ QEYÛM OFÎSÊN WÊ ZÊDE BÛN 

 

Nemaze jî di dema girtina kar a di ser Îş-Kûr’ê re Atan dikeve dewrê û di heman demê de Seroka Komeleya Çand-Huner û Pêşvebirinê ya Birca Belekê ye jî. Dema Atan digere gelek polîs wê diparêzin û li Serokatiya AKP’ê ya Cizîrê, li Serokatiya AKP’ê ya Şirnexê û di nav Keleha Cizîrê de ofîsên wê hene. 

 

DIBISTANÊN KURDÎ VEGUHERAND NAVENDÊN BIŞAVTINÊ 

 

Atan, gelek saziyên jinan ên li Şirnexê guheran û ew veguharndin navendên dirûtinê. Her wiha Atan, naveroka dibistanên li bajêr ên bi kurdî perwerdehiyê didan jî vala kir û wan veguerand navendên qursên Qur’anê. 

 

XWIŞKA XWE KIR MIDÛRA NIVÎSGEHA ŞAREDARIYÊ 

 

Çend meh berê derketibû holê ku Îdareya Taybet a Bajêr a Şirnexê sîgorteya Atanê radizîne û meaşê wê dide. Her wiha piştî ku qeyûm tayînî Şaredariya Şirnexê hat kirin erka îmze avaêtinê ket destê Atanê û heta niha gelek xizmên xwe li şaredariyê bi cih kiriye. Atana ku li di gelek îhaleyan de navê wê derbas dibe û tê îdiakirin “bertîlê” distîne, herî dawî xwişka xwe Akîset Atanê li Midûriyeta Nivîsgeha Taybet a Şaredariya Cizîrê bi cih kiribû.