Baroya Amedê, ji bo faîlên Tahir Elçî yên di 28’ê Mijdara 2015’an de li ser Mînareya Çar Ling kuştin bên dîtin, dosyeya lêpîrsînê bê kûrkirin û şermezar kirina kujerên wî nedîtin, di hefteya 119’emîn de li ber Edliya Amedê daxuyanî da çapemeniyê. Di daxuyaniyê de Serokê Baroya Amedê Ahmet Ozmen axivî û wiha got: “Ji roja ku Elçî hatî kuştin û vir de di dosyeya lêpîrsînê de tu pêşketin çênebûye.”

 

Ozmen, da zanîn ku tenê gumanberek jî tuneye û wiha bilêv kir: “Rayedar berpirsiyariyên xwe yên li hemberî kuştina Elçî bi cih nayînin. Em ê tu cara nehêlin ku dosyeya Elçî di taritiyê de bimîne. Heya faîlên kuştina Elçî bên dîtin û darizandin, em ê dest ji têkoşîn û çalakiya xwe bernedin. Em ê bi biryardarî çalakiya xwe berdewam bikin.”