Dê li Colemêrgê di 19’ê adarê de Newroz bê pîrozkirin. Amedakariyên Newrozê li Colemêrgê dest pê kir. Piştî Komîsyona Navendî ya partiyan bernameya Newrozê aşkere kir, li Colemêrgê Komîteya Amadekar hat avakirin û ji bo pîrozbahiya Newrozê serî li Walîtiya Colemêrgê dan. 

 

Têkildarî mijarê rêveberên HDP’ê li avahiya rêxistina HDP’ê ya Colemêrgê civîna çapemeniyê li dar xistin. Hevserokê rêxistina HDP’ê ya navçeya navendî û berdevkê Komîteya Amadekar Necmettîn Açar axivî û diyar kir ku ew ê li kêleka Otogara Bajêr pîrozbahiya Newrozê li dar bixin. 

 

‘WERIN EM BI HEV RE AGIRÊ NEWROZÊ PÊXIN’ 

 

Açar anî ziman ku ji bo bu destûrê serî li Walîtiyê dane û got: “Em ê her cure destûra brokratîk bigirin û em ê Newrozê pîroz bikin. Em ji niha ve hemû gelên xwe vedixwînin Newrozê. Newroz ya hemû gelan e. Em bang li tevahiya gel û gelên xwe dikin werin em bi hev re agirê Newrozê pêxin. Em ê li gel hemû zext û zordestiyan li qada Newrozê bin. Ji zarokan heta kal û pîran em li benda her kesî ne bên qada Newrozê.”