Li gundê Yahya yê bi ser navçeya Qereyazya Erziromê ve di 8’ê îlona 2017’an de polîsan bi ser mala Ahmet Goksu de girtibû. Dema polîsan li mala Goksu lêgerîn pêk anî îşkence lê kiribûn û ew binçav kiribûn. Dadgehê bi îdiaya Goksu “Endamê rêxistinê ye” ew girtibû. 

 

RAPORÊ JÎ GOT ‘TALÛKEYA WÎ YA JIYANÎ HEYE’ 

 

Piştî îşkenceya li Goksu hat kirin ew ji bo kontrola tenduristiyê biribûn Nexweşxaneya Dewletê ya Qereyaziyê. Di rapora nexweşxaneyê da Goksu de ev tişt hatin gotin: “Di bin çavê wî de rihan xwîn girtiye. Li frontala çepê travma, edem û birîn hatine tespîtkirin. Li ser û çavê wî birîn hatine tespîtkirin. Tê îfadekirin ku ji guhê xwe yê çepê nabihîze. Di pişta wî de xêzik hatine dîtin. Nexweş îfade kir ku travma pê re çêbûye. Ji bo dermankirinê sewqa wî guncav hatiye dîtin û talûkeya wî ya jiyanî heye.” 

 

Goksu yê şandin Girtîgeha Tîpa H a Erziromê bi riya parêzerê li Serdozgeriya Komarê ya Qereyaziyê giliyê polîsên îşkence lê kirine kir. Goksu di daxwaznameya xwe de behsa îşkenceya lê hatiye kirin kir û got ku bi saetan bi daran îşkence li wî kirine. 

 

6 MEH DERBAS BÛ LÊ TU GAV NEHAT AVÊTIN 

 

Rapora kontrola tenduristiya Goksu jî li daxwaznameyê hat zêdekirin û di raporê de tê xwestin ku lêpirsînek kartêker bê destpêkirin. 

 

153 roj di ser serlêdana re derbas bûne, lê hîn jî tu pêşketin rû nedane.