Di 1'ê Adarê de 13'emîn danişîna doza cînayeta 2 polîsên li Serêkaniye ya Rihayê di 22'ê Tîrmeha 2015'an de di malên xwe de hatin kuştin, li 2'emîn Dadgeha Cezayên Giran a Rihayê hat dîtin. Heyeda 2'emîn Dadgeha Cezayên Giran a Rihayê, têkildarî kuştina polîs Feyyaz Yumuşak û Okan Uçar de 4 jê girtî 9 bersûcên serbest dihatin darizandin beraet kirin. Bersûcê girtî dihatin darizandin Hasan Aydin, Hüseyin Aydin, Sedat Aydin û Mehmet Naci Yilmaz bi sedema li ser medya civakî parve kirine, bi îdîaya "propaganda rêxistinê kirine" rastî Salek û 6 meh cezayê hepsê hatin û hatin berdan. Piştî biryarê nehat diyar kirin ku kê 2 polîs kuştine. Kuştina 2 polîsan bi vî rengî fail nediyar bi encam bû. 

 

Piştî bûyer pêk hatibû rayedarên dewletê PKK sucdar kiribûn û bûyer xistibûn stuyê PKK'ê. 

 

WALÎTIYA RIHAYÊ: ZOR LI DERÎ NEHATIYE KIRIN

 

Di roja bûyerê de Waliyê Rihayê daxuyanî dabû û diyar kiribû ku zor li derî mala polîsan nehatiye kirin. Walî anîbû zimn ku 2 polîs li mala xwe kuştî hatine dîtin. Şaredarê Serêkaniyê yê AKP'î Menderes Atilla jî gotibû "Dibe ku PKK'iyan ev cînayet kiribin." 

 

KARAYILAN. ME NEKIRIYE

 

Endamê Konseya Rêveber a PKK'ê Murat Karayilan jî wê demê têkildarî bûyera Serêkaniyê daxuyanî da û diyar kir ku wan bûyera Serêkaniyê ne kiriye û tu eleqeya wan bi bûyerê tune ye. 

 

ERDOGAN DAXUYANÎ DA

 

Serokomarê Tirkiye Recep Tayyip Erdogan jî gt: "Dewleta me li dijî hemû rêxistinê terorê yên PKK û DAEŞ'ê ku li Pirsûsê 32 welatiyên me kuştin û li Serêkaniyê 2 polîsên me şehid kirin hemû derfetên xwe seferber kirine. Hin kes kuştina 2 polîsan ku PKK girtiye ser xwe nabînin û niyeta xwe diyar dikin." 

 

BAYIK: NE REBAZA ME YE 

 

Hevserokê Konseya Rêveber a KCK'ê Cemil Bayik jî têkildarî bûyera li Serêkaniyê wiha got: “Tu eleqeya me û kutina 2 polîsên li Serêkaniyê bi hev tune ye. Kuştina 2 polîsan ne rêbaza me ye. HPG'iyan ne got 'Me polîs kuştine' gotin 'Kesên ji xwe re gotine Apocî ' kuştine. Lê ne diyar e 2 polîs ji aliyê kê ve hatiye kuştin."  Piştî vê bûyerê di 23-24'ê Tîrmeha 2015’an de li dijî Herêma Kurdistana Federe operasyon pêk anîn. 

 

PARÊZER: EV BÛYER DARBEYA LI DIJÎ PROJEYA AŞTIYÊ YA OCALAN BÛ

 

Parêzerê doza Serêkaniyê Mahmut Vefa, jî diyar kir ku bi vê cînayetê xwestin darbeyê li projeya aştiyê ya Rêberê PKK'ê Abdullah Ocalan bixin û wiha got: "Di 20'ê Tîrmeha 2015’an de li Pirsûsê komkujî pêk hat. Li Serêkaniyê jî 2 roj şûnde 2 polîs hatin kuştin. 2 polîsan bi maşîna serwîsê bi şev saet di 22.00-23.00'an de wan datînin malê. Di maşîna serwîsê de li gel 2 polîsan 4 polîsên din jî diçin mal. Serê sibê 2 polîs tenê kuştî tên dîtin. Wê demê 4 polîsên din li ku ne." 

 

ÎBXAREK BÊ NAV HEYE 13 KES TÊN BINÇAVKIRIN

 

Prz. Mahmut Vefa, anî ziman ku piştî bûyerê têkildarî bûyerê kesek li Xeta Polîsan a 155'an digere û îxbar dike û wiha berdewam kir: "Kesê di telefonê de navê Mustafa Simav, Hasan Aydın, Sedat Aydın, Mehmet Naci Yilmaz dide. Rojek din dîsa telefonek din a îxbarê diçe. Pişti vê yekê operasyonê pêktînin û Cîranê polîsan Murat Abir, Lutfî Abir û kesê li gel wan mala wan paqij dike Omer Kiliç binçav dikin. Bûyerê li ser wan saz dikin. Wisa sanaryo çê dikin. Li ser îxbare 13 kes tên binçav kirin. Ciwanên tên binçavkirin rastî îşkencyê tên. Kesên hatin binçavkirin li TEM’a Rihayê rastî îşkenceyek giran hatin. Rasti hemû cureyên îşkenceyê hatin. Dozger ji tev li îşkenceyê bû. Ez bi xwe jî bûm şahidê vê yekê. Me der barê îşkenceyê de serlêdana sûc kir. Min der barê polîsên îşkence kirine de li hemû rayedaran gilî kir. Lê encam derneket. 

 

Piştî cînayetê Midûrê Polîsan ê Rihayê li hemberî kamerayan daxuyanike dabû û gotibû: "Dibe ku polîsên di nava emniyetê de jî cînayet kiribe."Kesekî ku îxbar kiribû piştre got 'Min îxbarek wisa nekiriye. Lê kesê din hêj nehatiye tespîtkirin. Hekîmê Cezayê Sulhê û 2 polisên din ji doza FETO ya Serêkaniyê hatin îxrackirin. Dozgerê lêpirsînê piştî bûyerê wekî dadger şandin Navneda Karê Agahiyên Serokatiya Dadê. Piştî darbeya 15'ê Tîrmehê  jî wekî Navenda FETO bi ser ve biryargehê de girtin. Li wir bi dehan dadger hatin girtin û îxrackirin. 

 

Di encamê de doz ket û kujer nehatin ditin Bersûc hatin beraet kirin. Ev bûyer bi armanca projeya aştî û çareseriyê ya Ocalan darbe bikin pêk anîn. Piştî vê bûyerê bi deh hezaran mirov hatin kuştin. Gelek bajar xera bûn. Bi beraeta 9 bersûcan faîl tarî man. 

 

Vefot bal kişand ser gotina Kaptanê Keştiyê Leonard Cohen a  “Her kesî dizanibû av diçe keştiyê. Her kesi dizanîbû kaptan derewan dike. Her kes dizanîbû zar bi hîle ne" û wiha got: "Di vê dozê de jî her kesî dizanîbû hîle heye. Ji bo darbeyê li projeya Ocalan bixin li ser hev polîs kuştin. 

 

Piştî doz bi beraetê encam bû em dê doza tazmînatê vekin. 

 

MA / Arjin Dîlek Oncel