AMED - Hasan Bîlgîçê ku dema di Şaredariya Cizîrê de bi awayekî taşeron dixebitî, piştî tayînkirin qeyûm ji kar hat avêtin. Piştî ji kar hat avêtin Bîlgîç doz vekir. Di doza ku vekir de mafdar derket. Dadgehê, diyar kir ku nehatiye îspatkirin ku peymana karî bi awayekî mafdar hatibe fesxkirin û ji ber vê biryara "vegera ser kar" da.
Piştî qeyûm tayînî şaredariya Cizîra Şirnexê hat kirin, peymana karî ya Hasan Bîlgîçê ji sala 2014'an ve ku wekî Pisporê Têkiliyên Gel û Danasînê dixebitî, di 27'ê Cotmeha 2017'an de hat fesixkirin. Fîrmaya ku Bîlgîç pê re dixebitî tenê ragihandê ku bi hinceta koda 18'an a di "Danezana Veqetîna Kar" a SGK'ê de cih digire ji kar hatiye derxistin. Bîlgîçê ku di heman demê de rêveberê Sendîkaya Genel-Îş'ê ya DÎSK'ê ye jî, bi riya parêzerên ku li Dadgeha Kar a 1'ekemîn a Amedê doza "vegera ser kar" vekir.
Dadgeha Kar a 1'ekemîn a Amedê ku doz qebûl kir, diyar kir ku nehatiye îspatkirin ku peymana karî bi awayekî mafdar hatibe fesxkirin û ji ber vê biryara "vegera ser kar" da.