AMED – Dadgeha Herêmê ya Dîlokê, 10 sal cezayê li Parlamentera HDP'ê ya Colemêrgê Selma Irmak hatibû birîn erê kir. Ji ber 2,5 sal cezayê Irmak hat teqezkirin jî dê parlamenteriya Irmak bê betalkirin.
Dadgeha Herêmê ya Dîlokê, 10 sal cezayê li Parlamentera HDP'ê ya Colemêrgê Selma Irmak hatibû birîn erê kir. 5'emîn Dadgeha Cezayê Giran a Amedê, 10 sal ceza li Parlementera HDP’ê ya Colemêrgê Selma Irmak a girtî birîbû. Dadgehê hinceta vê biryara axaftinên Irmak ên di çarçoveya xebatên partiya siyasî de wek sûc hatin dît. Dadgehê, ji ber di navbera salên 2015-2016’an de di çarçoveya fealiyetên partiya siyasî de tev li meşên hatin lidarxistin û daxuyaiyên çapemeniyê yên hatin dayîn bûye, bi tawanbariya “endamtiya rêxistinê” û “propagandaya rêxistinê” 10 sal ceza li Parlementera HDP’ê ya Colemêrgê Selma Irmakê birîbû. Dozger axaftinên Irmak ên li mîtîng, daxuyaniyên çapemeniyê û bernameyên televîzyonê yên di navbera salên 2015-2016’an de li Amed, Şirnex û Colemêrgê hatibûn lidarxistin, bi 4 tawanbariyên cuda bi giştî bi daxwaza 105 salan cezayê girtîgehê doz li Irmakê vekiribû. Irmak a di 4’ê Mijdarê de hat girtin û di Girtîgeha Kandirayê de ye, ji aliye 5'emîn Dadgeha Cezayên Giran a Amedê ve hat cezakirin. Piştî parêzeran ceza itîrz kir û serî li li Dadgeha Herêmê ya Dîlokê dan, Heyeta Dadgeha Herêmê ya Dîlokê jî bi heman hincetê ceza erê kir.
DAXUYANIYÊN IRMAK WEKÎ SÛC HAT DÎTIN
Di biryara dadgehê de gelek daxuyaniyên çapemeniyê, meş û bernameyên televîzyonê yên Irmak di navbera salên 2014-2016’an de wek Hevseroka KCD’ê û Parlementera HDP’ê ya Şirnexê beşdarî wan bûbû û axivî bû, ji bo 15 caran tawanbariya “endamtiya rêxistinê” wek delîl hatin hesibandin. Di biryarê de hinceta 7 sal û 6 meh cezayê ku bi îdiaya “endamtiya rêxistinê” li Irmakê hat birîn jî axaftin û beşdarbûyîna wê ya 15 çalakiyên ku di navbera 2015-2016’an de hatine lidarxistin hat nîşandan. Ji van 15 çalakiyên Irmak beşdarî wan bûye û wek sûc hatine hesibandin, 9’ê jê di dema qedexeya derketina derve ya li Sûrê de bûn.
Di biryarê de hinceta 2 sal û 6 meh cezayê ku bi tawanbariya “propagandaya rêxistinê” li Irmakê hat vekirin jî, axaftinên wê yên ku di 9 çalakiyên cuda de kirine hatin nîşandan. Her wiha di 15’ê Sibata 2015’an di salvegera anîna Tirkiyeyê ya Rêberê PKK’ê Abdûllah Ocalan de Irmakê li Amedê axaftinek kiribû ji ber vê axaftina wê bi tawanbariya “pesinandina sûc û sûcdar” doz hatibû vekirn, lê belê hat diyarkirin ku vê axaftina wê ya navborî tu talûkeyê nade der û di çarçoveya azadiya ramanê de hat hesibandin û biryara beraetê hat dayîn.
Parêzeran biryara dadgehê îtîraz kiribû û diyar kiribûn ku ji ber Irmak parlamenter e mafê xwe yê destnedayîna zagonî di çarçoveya xebatên partiya siyasî de parastiye. Disa parêzeran di îtîrazê de diyar kirin ku ji ber parastina Irmak bi rêya SEGBİS'ê hatiye girtin, parastinek bi edalet pêk nehatiye û xwestibûn Irmak li salona dadgehe dîsa parastinê bike.
GER BIRAR BIÇE MECLÎSÊ DÊ WEKÎLTIYA IRMAK BÊ XISTIN
Dadgeha Îstînafê parast ku biryara dadgeha herêmî li gorî hiqûqê ye û îtîraza parêzeran red kir. Dadgehê daxwaza ku Irmak serbest bê darizandin jî red kir. Disa cezayê 2,5 salan jî bi sedema kêmî 5 salan e teqez kir. 7.5 sal cezayê ku Dadgeha Îstinafê erê kiribû jî ji ber ku rêya îtîrazê vekiriye hêj teqez nebûye. Ji ber ku 2,5 sal cezayê Irmak teqez bû, ger ku ev ceza li Meclisa Tirkiye bê xwendin d3e wekîltiya Irmak bê betalkirin.