ENQERE - Bi hinceta biryara cezayê hepsê ya der barê wan de teqez bûye parlamenteriya Wekîlê Serokê Koma HDP'ê Ahmet Yildirim û Parlamenterê HDP'ê yê Rihayê Îbrahim Ayhan xistin.
Wekîlê Serokê Koma Partiya Demokratîk a Gelan (HDP) Ahmet Yildirim û Parlamenterê HDP'ê yê Rihayê Îbrahim Ayhan, bi hinceta cezayê li wan hatiye birîn teqez bû parlamenteriya wan hat xistin.
BI SEDEMA HEWARET LI SEROKOMAR KIRIBÛ CEZA LI YILDIRIM BIRÎBÛN
Der barê Wekîlê Serokê Koma HDP'ê Ahmet Yildirim de bi hinceta ji Serokomar Tayyip Erdogan re gotiye “Xirbendeyê Şahê Qesrê" û heqaret li Serokomar kiriye Salek û 2 mehe cezayê hepsê birîbûn. Piştî cezayê Yildirim hat erêkirin, di dîroka meclîsê de yekem car parlamenterek bi hincetek wisa wekîltiya wî tê xistin.
JI MADYA CIVAKÎ CEZA LI AYHAN BIRÎN
Dadgehê der barê Parlamenterê HDP'ê yê Rihayê Îbrahîm Ayhan de jî bi sedema wêneyê şervanê Hêzên Azadiya Yekbûyî (BOG) Aziz Guler di hesabê xwe de parve kiriye bi îdîaya "Propaganda rêxistinê kiriye" Salek û 3 meh cezayê hepsê lê hatbû birîn.
Piştî parlamenteriya Yildirim û Ayhan hatin xistin, wekilên HDP'ê Lijneya Giştî ya Meclîsê terk kirin.
YEK BI YEK WEKÎLTIYA HDP'IYAN DIXIN
Beriya parlamenteriya Yildirim û Ayhan bixin berê jî parlamenteriya Figen Yuksekdag, Nursel Aydogan, Besime Konca û Ferhat Encu xistibûn. Parlamenteriya Faysal Sariyildiz û Tugba Hezer Ozturk û Leyla Zana jî ji ber neçûne meclisê wekîltiya wan hatin xistin.
Heta niha parlamenteriya 9 wekilên HDP'ê hatin xistin. HDP'ê di hilbijartina 1'ê Mijdarê de 59 parlamenter şandin meclîsê û piştî 9 wekîl parlamenteriya wan hat xistin daket 50 parlamenteran.