* Rêberê PKK'ê Abdullah Ocalan, destnîşan dike ku divê hişmendiya mulkiyetê ya der barê jinê de bê terikandin û wiha dibêje: "Divê tenê jin bi serê xwe be û xwebûna xwe ava bike." Ocalan evînê di têkiliya zayendî û hêstewariya di navbera du kesan de bi sînor nake û mijara evînê wiha rave dike: "Heke zayendiya jinê weke biyolojî bê dîtin û wisa nêzikatî çêbe, dê evîn di serî de bê kuştin.”

 

*  Dayikên Şemiyê yên 23 salin li Qada Galatasarayê li edaletê digerin bersîv dan dozgerê ku çalakî wekî “suç” pênase kir û gotin: "Yên îllegal ew kesên ku zarokên me winda kirine ne. Em dê têkoşîna xwe heta dawî berdewam bikin. 

 

* Jinên Stenbolê di 8'ê Adarê de bi şiyara "Em ji bo azadî, nasname û kedê, li dijî zayendperezî, OHAL û şer li berxwe didin", dê li Qada Azadiyê ya Bakirkoyê pîrozhabiyê bikin. Berdevka Koordînasyona 8'ê Adarê Şenay Kumuz bang li jinan kir û ev tişt got: "Em bi rengên xwe cihê xwe li qadê bigirin."

 

* Ji parêzerên Şaxa ÎHD'ê ya Amedê Hatîce Demîr, diyar kir ku bi zagonên li dijî mafên mirovan îstîsmar nayê asteng kirin û wiha got: “Divê nerinên rêxistinên sivîl ên li ser îstîsmara zarokan lêkolîn dikin û xebatê dimeşînin nerîna wan jî bê girtin. Divê li gori mutabakatan zagon bên rastkirin." 

 

* Wekîla berê ya Partiya Demokratên Civaka Alman (SPD) Lale Akgun, destnîşan kir ku Erdogan bi rêya tirkên li welat dijîn, bazirganiya çekan û penaberan, polîtîkaya alman dîl girtiye.

 

* Parastvanên mafên ajalan bal kişand ser polîtîkaya "goştê erzan" a hikumet ji Brezîlyayê îthal dike, keştiyên ku sewalan tînin wekî "Keştiyên zilm û nexweşiyê" pênase kirin û gotin ku tenduristiya mirovan di xetereyê de ye.

 

* Îpek Arslan a di tendûrê de nanê herêmî û borekan dipêjîne û pê debara xwe dike, da zanîn ku li vê kargehê patrok karker tune, ew wekî jin bi hev re hilberînê dikin û bi hev re qezenc dikin.

 

*Nîhat Baymîş ê di girtîgehê de bi nexweşîna Losemî ket û heya demek dirêj nehat dermankirin, 2 heftene di beşa lezgîn deye. 

 

* Endamê Meclisa HDP'ê civaknas Azad Bariş, wêneyê Serokê Giştî yê AKP'ê Tayyîp Erdogan bi zaroka keç a cilên leşkerî lê bûn, axaftinên Erdogan şiband wêneyên Hîtler bi zarokan re kişandiye û ev tişt got: "Ev rewşeke wisa ye ku îstismara zarokan jî derbas dike."

 

* Wekîla HDP'ê ya Edeneyê û endama Komîsyona Makeqanûnê Meral Daniş Beştaş, pêşniyar qanûna hevkariya hilbijartinê ya di navbera AKP û MHP'ê de wekî "peymana berjewendiyên danûnstandinê" pênase kir, referanduma 16'e Nîsanê bi bîr xist û ev tişt got: "Dê heta dawiyê derî ji hîleyên hilbijartinê re vekirî bihêlin."

 

* Turan Gunana yê li Girtîgeha Tîpa F a Hejmar 2 a Kandirayê girtî ye, ji bo tecrîda li ser Rêberê PKK'ê Abdullah Ocalan bi dawî bibe, 12 roj e di rojiya mirinê de ye.

 

* Danişina doza 11 zarokên di wargeha xwendekaran a Aladagê de jiyana xwe ji dest dan dê li Dadgeha Cezayên Giran a Kozanê bê dîtin. (09.30)

 

* Danişîna doza Hevserokê HDP'ê yê berê Selahattin Demirtaş û Parlamenterê HDP'ê yê Enqereyê Sureyya Onder dê li 26'emîn Dadgeha Cezayên Giran a Stenbolê bê dîtin. (14.00)

 

* Koordînasyona Zîrveya Jinan û Edalet Wekheviyê li Otela The Marmara ya li Taksimê kom bibin. (14.00)

 

* Danişîna doza Nûçegîhanê DÎHA Muhammet Dogru dê li 2'emîn Dadgeha Cezayên Giran a Sakarya bê ditin. (15.00)