ENQERE - Di Doza Kobanê de ku parêzer û siyasetmedar ji ber mafê darizandina adil û rakirina şert û mercên parastinê ji holê hatine rakirin beşdar nebûn, rojek hat taloqkirin.  

 

Danişîna 7’emîn a Doza Kobanê di roja duyemîn de li Kampûsa Girtîgeha Sîncanê berdewam kir. 21 jê girtî bi giştî 108 siyasetmedar jê tên darizandin. Komek parlamenter û rêveberên HDP’ê danişînê şopandin. 

 

MAZERET HATIN XWENDIN 

 

Şandeya dadgehê ewraqên li dosyeyê hatine zêdekirin û daxwaznameyên mazereta siyasetmedarên beşdarî danişînê nebûn xwend. Şandeya dadgehê diyar kir ku di daxwaznameya mazerata siyasetmedaran de parêzeran mazerat nîşan daye ku beşdarî danişînê nabin û di daxwaznameyan de hatiye destnîşankirin ku periyoda danişînê were guhertin. Daxwaza parêzeran a ku du hefte perdiyoda danişînê were guhertin jî li dosyeyê hat zêdekirin. 

 

DOZGER RED KIR 

 

Dozger derbarê daxwaznameyên mazeretê de daxwaza xwe pêşkêş kir, mazeretên bi hêceta tenduristiyê qebûl kir û daxwaz kir ku mazeretên din werin redkirin. 

 

PERIYODA DANIŞÎNÊ NEHAT GUHERTIN 

 

Serokê dadgehê daxwazên bersûcên girtî ji bilî Alî Ûrkût, Gultan Kişanak û Bîrcan Yorulmaz nebin rûniştina dozê, ji muwekîlên dozê re bê dayîn û li odeyên girtîgehê kompîtur bên danîn red kir. Serokê dadgehê biryar da ku daxwaza parêzer Cîhan Aydin a redkirina daxwaza dadger sewqî dadgeha bilindtir bê kirin, biryar da ku îtîrazê ji 23’yemîn Dadgeha Cezayê Giran a Enqereyê re bê şandin. 

 

Şandeya dadgehê ku biryar da danişînan di demên "2 hefte daraz, hefteyek betlane" bidomîne û rojek navber da danişînê. 

 

Rûniştina sêyemîn a danişînê wê di 2'yê kanûnê de were lidarxistin.