MÊRDÎN - Aktîvîsta TJA Ayşe Gokkan bi îdîaya derbarê wê de “Îxbar heye” 12 rojin li Midûryeta Polîsan a Mêrdînê tê girtin. Gokkan a 12 rojin dibin çavande, ji ber ku berçavka wê nadin wê serêşiyek dijwar derbas dike.
Aktîvîsta Tevgera Jinên Azad (TJA) Ayşe Gokkan bi îdîaya “Îxbar heye” di 5’ê Sibatê de li Taxa Abdulkadîr Paşa a navçeya Nisêbîna Mêrdînê hat binçavkirin. Gokkan a 12 rojin li Midûryeta Polîsan a Mêrdînê tê girtin, heya roja Duşembê binçavkirina wê hatibû dirêjkirin. Parêzerên bi Gokkan re hevdîtin kirin, anî ziman ku ji roja Gokkan hatî girtin û vir ve berçavka wê nadinê û wiha gotin: “Ji ber vê yekê Gokkan serêşiyên dijwar derbas dike. Di rojên derbasbûyî de Gokkan nexweş dike. Polîs li şûna wê bibin nexweşxanê, ekîbên tenduristiyê tînin Midûryata Polîsan.”
Li aliyê din hat diyar kirin ku divê pêvajoyê de danişîna dozeke Gokkan li Eliya Mêrdînê hat dîtin, lê polîsan ew ne anîn danişînê.