ENQERE - Hevberdevkê HDK'ê Prof. Dr. Onur Hamzaoglu û Cîgira Seroka Giştî ya ESP'ê Fadime Çelebî ku di 9'ê Sibatê de hatibûn binçavkirin hatin girtin.
Beriya 3'emîn Kongreya Asayî ya Mezin a Partiya Demokratîk a Gelan (HDP)ê di 9'ê Sibatê de Hevberdevkê Kongreya Demokratîk a Gelan (HDK), Cîgira Seroka Giştî ya ESP'ê Fadime Çelebî û nûnerên pêkhateyên HDP'ê jî di navde 7 siyasetmedar hatin binçavkirin. Siyasetmedar duh derxistin dozgeriyê. Dozger Prof. Dr. Onur Hamzaoglu û Fadime Çelebî bi daxwaza girtinê sewqî dadgehê kirin.
Hevberdevka Platforma Piştigiya Sosyalîst (SODEP) Kezban Konukçu, hevserokên Partiya Pêşeroja Çep û Keskan Nacî Sonmez û Eylem Tucaelî Hevserokê Giştî yê Partiya Rizgariya Ji Nûve Sosyalist (SYKP) Ahmet Kaya û Cîgira Hevseroka Giştî ya Partiya Herêmên Demokratik Hacer Ozdemîr bi şertê kontrola edlî serbest hatin berdan. Heyeta dadgehê piştî li îfadeya Hevberdevkê HDK'ê Prof. Dr. Onur Hamzaoglu û Cîgira Seroka Giştî ya ESP'ê Fadime Çelebî guhdar kir, der barê wan de biryara girtinê da û şandin girtîgehê.