Li Kantona Qamişlo bi boneya 19’emîn salvegera 15’ê Sibatê ya Rêberê PKK’ê Abdullah Ocalan bi destên navdewletî radestî Tirkiye kirin şermezar bikin, bi dirûşmeya "Bi ruhê berxwedana Efrînê em ê pergala Îmralî hilweşînin" li gundê Herm Şêxo yê Kantona Qamişlo mîtîng lidarxistin. Bi deh hezaran şêniyên herêma Cizîrê ku ji pêkhateyên Kurd, Ereb û Suryanî beşdarî mitîngê bûn. Di mîtîngê de, dûrişmeyên silavkirina berxwedana Ocalan û şermezarkirina komploya nav dewletî hatin berzkirin. Di mitîngê de bi sedan posterên Rêberê PKK’ê Abdullah Ocalan, alên YPG/YPJ û QSD’ê hatin rakirin. Di mitîgê de Hevseroka Desteya Rêveber a Federaliya Bakurê Sûriyê Foza Yusif axivî û bal kişand ser berxwedana gelê Efrînê û şervanên QSD'ê yên niha di ceperan de şer dikin.

 

‘HÊZÊN KOMPLOGER SER NEKETIN’

 

Yusif, di dewama axaftina xwe de wiha got: “Dewletên komploger hewl dan bi girtina Rêbertiyê hebûna gelê kurd ji holê rakin. Ocalan bi fikir û ramanên xwe di nava gelên Rojhilata Navîn de dijî. Hêzên komploger bi ser neketin, nîşaneya vê yekê girseya mezin a ku îro ji bo şermezarkirina komployê li vir kom bûye."

 

Foza diyar kir ku ramanên Ocalan her kêlî di nava gelê Rojhilata Navîn de dijîn û wiha bi dawî kir: “Her çiqas dijmîn bi êrîşên dijwar êrîş bike jî, emê dest ji ax û welatê xwe bernedin. Ji xwe ev rastî ji niha de di berxwedana Efrînê de diyar dibe. Dê komploya navdewletî bi berxwedana gelên Efrînê bin bikeve.”