NAVENDA NÛÇEYAN - Prof. Dr. Baskin Oran, der barê Serokomar Tayyip Erdogan de bi sedema heqaret li 170 rewşenbirên ku xwestin şerê li Efrinê raweste û îmze şandin ji meclîsê re xwest doz vebe û serlêdana sûc kir.
Prof. Dr. Baskin Oran, der barê Serokê AKP'ê û serokomar Tayyip Erdogan de bi sedema ku li 170 rewşenbirên ku xwestin şerê li dijî Efrînê raweste daxwazname dan meclîsê, heqaret kiriye, doz vekir û serlêdana sûc kir. Oran, der barê Erdogan de bi sedema heqaret li rewşenbiran kiriye û kîn û nifrîna li dijî wan zêde kiriye bi 1 lira doza tazmînta manevî vekir. Oran, der barê Erdogan de jî serlêdana sûc kir.
Prof. Dr. Oran, diyar kir ku Erdogan ji ber gotinên xwe yên li dijî 170 rewşenbiran li gorî xalên 125 û 216'emîn ên Qanûna Ceza ya Tirk (TCK) sûc kiriye doz vekir. Parêzera Baskin Oran Oya Aydin, daxwaznameya dozê da Dadgeha Qiqûqê ya Asliye ya Nobedar a Enqereyê û ji ber gotina Serokomar Erdogan a der barê 170 rewşenbiran a “xaîr" “bê sinc", “adî”, “qaşo hunermend", “riyakar" “sextekar" “soytariyê fikrê", “mertalên zindî yên teroristan" û "Hûn profesor, rewşenbir, nivîskar û hunermend bin çiye." doz vekir.