ENQERE – Ji bo beşdarbûn û temaşekirina danişîna doza Hevserokê Giştî yê HDP’ê yê berê Selahattîn Demîrtaş tenê destûra 20 kesî hat dayîn.
Danişîna duyemîn a doza Hevserokê Giştî yê HDP’ê yê berê Selahattîn Demîrtaş dê li eywana danişînê ya Kampusa Girtîgeha Sîncanê pêk bê. Danê sibehê ji bo tev li danişîna Demîrtaş bibin gelek welatî hatin ber girtîgehê. Hema bêje hemû parlementerên HDP’ê hatin ber eywana dadgehê. Wê hevserokên giştî yên HDP’ê yên nû Pervîn Bûldan û Sezaî Temellî danişînê temaşe bikin.
Ji bo danişînê gelek heyet ji derveyî welat hatin. Wê nûnerên balyozxaneyan jî danişînê temaşe bikin. Lê belê heta niha destûra ketina eywanê ya heyetên biyanî nehatiye dayîn.
Her wiha rojnamevanên karta wan a zer a çapemniyê tune bin, nagirin eywanê. Ji bo welatiyên ku dixwazin danişînê temaşe bikin jî tenê destûra 20 kesî hat dayîn.
Wê Demîrtaş bi xwe jî tev li danişînê bibe û ji bo vê duh serê sibehê wî ji Girtîgeha Tîpa F a Edîrneyê anîbûn Enqereyê.