Rêberê PKK'ê Abdullah Ocalan di hevdîtinên xwe yên bi parêzeran re diyar kiribû ku bi komploya navdewletî ya li dijî wî re xwestin kurdan tune bikin û wiha gotibû: "Çawa Yekemîn Şerê Cîhanê bi kuştina Welîahdê Avusturya yê ji aliyê nijadperestekî Sirpê ve dest pê kir, Sêyemîn Şerê Cîhanê jî bi operasyona li dijî min dest pê kiriye."
* Hevseroka Giştî ya DBP'ê Sebahat Tuncel, ji ber li Mêrsînê tundiya li dijî jinê rexne kiribû û bertek nîşanê qeyûman dabû, ji 5 mehan heta 5 salan doz lê hat vekirin.
* Sekreterê Giştî yê Partiya Kominîst a Fransayê Pierre Laurent, diyar kir ku ew gelekî di bandora kongreya HDP'ê de maye û ev tişt got: "Me dizanibû li Tirkiyeyê zext û zorî hene, lê me heta niha qet tiştekî wisa nedîtibû." Laurent bê dengiya Fransa û YE'yê ya li dijî êrîşên li ser Efrînê jî rexne kir.
* Belavkara Rojnameya Ozgurlukçu Demokrasiyê Mizgîn Fendîk, di mehekê de li Geverê du caran hatin binçavkirin. Fendîk diyar kir ku di bin çavan de 5 caran “Sîxurî” li ser wê ferz kirin. Fendîk anî ziman ku ji ber sîxurî qebûl nekiriye, polîsan gefa girtinê li wê xarine.
* Mele Nûrettîn Îlengîz ku ji dayika xwe hînî çêkirina dermanên xwezayî bû, 30 sal in dermanan çê dike û şîfayê belav dike. Îlengîz bi lêv kir ku tenê ew nebatên xwezayî bi kar tîne û dermanan çê dike. Mele Îlengîz diyar kir ku bi belavkirina şîfayê kêfxweş dibe.
* Gurbet Toprak a li bazara semtê dikandariyê dike, ji bo jinan derfetên kar diafirîne û bi hev re xebatê dimeşînin. Toprak, xwest jin hewceyî kesî nebin û aşkera kir ku geh li zeviyê, geh li bazar û geh li malê dixebite.
* Seroka Giştî ya Komeleya Mafên Civakî Melda Onur, bertek nîşan tahliyeyeya berpirsyarên şewata yurda Aladagê da û aşkera kir ku dixwazin li ser wehşetê bigirin.
* Tirbeya Sultan Şeyhmus a ji aliyê Wekfa Parastina Cihên Dirokî ya Çandî ve hatiye tescîlkirin, gundiyan ev der vegerand navenda bazirganiyê. Kesên ku xwe wekî peywîrdarên ewlehiya tirbeyê didin nasîn, welatiyên ku tên serdana tirbeyê ji wan pere distînin.
* Naîf Subaşi 52 sal e li kuçeyên Sûrê dengbêjiyê dike, aşkera kir ku ewê di jiyana xwe ya mayî de jî êş û hezkirinên kurdan bîne ziman. Subaşi bal kişand ser komploya 15'ê Sibatê ya li dijî Rêberê PKK'ê Abdullah Ocalan û da zanîn ku wan tu carî di kilamên xwe de Ocalan kêm nekiriye, bi deng û gotinên xwe tev li berxwedanê bûne.
* Wezareta Karên Hundir a Tirkiyeyê, der barê kuştina Zekî Acar ê di dema qedexeya derketina derve ya li Cizîrê de hat kuştin parastin da. Wezaretê îdia kir ku kuştina Acar di çarçoveya hiqûqê de pêk hatiye.
* Di 16'ê Sibatê de dê doza Hêlîm Palandoken a li Pendîkê li ber dibistanê hat kuştin bê dîtin, bav Nîhat Palandokon banga tevlibûna dozê kir û ev tişt got: "Ji bo cezayekî giran bê tayîn em tê dikoşin."
* Duyemîn danişîna doza Hevserokê Giştî yê berê yê Partiya Demokratîk a Gelan (HDP) Selahattîn Demîrtaş li Kampusa Girtîgeha Sîncanê dê bê dîtin. (10:00)
* Komeleya Piştgirî û Aştiyê ya 10'ê Cotmehê, ji bo balê bikişîne ser girtina komeleyê dê li avahiya Navenda Giştî ya TUMBEL SEN'e daxuyaniyê bide çapemeniyê. (12:00)
* 2 polîsên ji doza Komkujiya Pirsûsê tên darizandin, dê li Edliyeya Çaglayan derkevin pêşberî dadgehê. Însiyatîfa Malbatên Pirsûsê dê berî danişîna dozê li ber edliyeyê bên gel hev. ( 13.00)
* 12'emîn danişîna doza 4 kesên ji ber kuştina Ekrem Kaceroglu yê di çalakiyên 6-8'ê Cotmehê yên Kobanê de hatibû kuştin serbest tên darizandin, dê bê dîtin. (13.30)