Li Esenyûrta Stenbolê polîsan avêt ser mala Serpîl Kemalbay ku di kongreya 11'ê Sibatê de peywira xwe ya hevserokatiya giştî dewr kiribû û wek endama Meclîsa Partiyê ya HDP'ê hatibû hilbijartin. Polîsan deriyê avahiya ku kes ne li malê bû şikandin û ketin hundur û lêgerîn kirin. Piştî lêgerînê polîsan mifteya deriyê ku şikandin bi çilîngîr guherandin û paşê ji malê derketin. 

 

Beriya kongreya HDP'ê di çarçoveya lêpirsîna ku Serdozgeriya Komarê ya Enqereyê bi rê ve dibe de Hevberdevkê Kongreya Demokratîk a Gelan (HDK) Onûr Hamzaoglû jî di nav de 7 kes hatibûn binçavkirin û der barê 17 kesan de jî biryara lêgerînê hatibû dayîn. 

 

Hat hînbûn ku yek ji kesên ku der barê wê de biryara zevtkirinê hatiye dayîn jî Serpîl Kemalbay e.