HATAY - Rojnameger Ferhat Aktaş, diyar kir ku şerê li Sûriyeyê ber bi dawî ve diçe, lê ji ber ku qada manewra ya Tirkiyeyê nemaye, ligel Rûsya û Îranê jî dê nekare hebûna xwe ya derveyî sînor bidomîne û wiha got: “Operasyona Efrînê dê ji bo Tirkiyeyê ne hêsan be û ligel êrîşên AKP’ê yên zêde jî, êdî şerê wekaletê yê li Sûriyeyê bi dawî dibe.”

 

Operasyonên Hêzên Çekdarî yên Tirk  (TSK) û komên hevkarên wê OSO yên li ser Efrînê di roja 24’an de jî ber dewam dikin.  Bi xistina balafirên Rûsya û Îsraîlê yên li Sûriyeyê hişt ku li herêmê tansiyon rabe. Rojnameger Ferhat Aktaş ê ji nêz de pêşketinên li Sûriyeyê dişopîne, êrîşên Tirkiyeyê yên li ser Efrînê û bûyerên li Sûriyeyê tên jiyîn nirxandin. Aktaş, diyar kir ku li Îdlîbê şerê wekalet tê jiyîn û wiha axivî: “Hêza  El Nusra li Îdlîbê bi bandore. Komên ji herêmên Ozbekîstan, Çeçenîstan û Uygurê yên El Kaîdê, anîne bajaroka Cîsr-î ya 20 kîlometre dikeve rojhilatê sînorê Hatayê. Sînorê Îdlîb û  Hatayê dibin kontrola El Nusra deye. Ji deriyê Cîlvegoz heya Keleya Samaan a li Derat Îzze û ji wir jî heya Çiyayê Cebel Bereket û sînorê Îdlîb-Efrînê çeteyên El Nusra-HTŞ bi bandorin. Konvoya TSK’ê ya xwest divê sînorî re bikeve Efrînê ji aliyê Ajansa Nûçeya ya ÎBA ya El Nusra ve hat şopandin.”

 

‘ŞERÊ WEKALETÊ BI DAWÎ DIBE

 

Aktaş, anî ziman ku li gorî ajandeya AKP’ê projeya avakirin Îhvanîsteke biçûk ya li Îdlîb-Efrîn-Ezaz û El Babê heye û wiha got: “Dixwaze bi vê yekê polîtîkayên xwe yên li Sûriyeyê têkçûyîn, ji nû ve zindî bike û li sahayê hin destkeftiyan bi dest bixe. Lê nikare ne li Îdlîbê û ne jî li Efrînê daîmî bimîne. Êdî şerê wekaletê yê Sûriyeyê bi dawî dibe.” 

 

'HEWLDANA TIRKIYE YA DERVEYÎ SÎNOR DÊ DOM NEKE'

 

Aktaş, da zanîn ku dê di salên 2018-2019’an de Şam mijara Îdlîbê bi awayekê giştî çaresre bike û wiha  bilêv kir: “Ji ber ku qada manewra ya Tirkiyeyê nemaye, ligel Rûsya û Îranê jî dê nekare hebûna xwe ya derveyî sînor bidomîne. Li Sûriyeyê guhertina rejîmê êdî mijara gotinê ye. Polîtîkayên AKP’ê yên Sûriyeyê, mîna navbeynkariya siyaseta hûndir bikar tîne. Lê dê nikare berpirsiyartiya komên lejyoner ên kom kiriye rabike.” 

 

'DÊ NE HÊSAN BE'

 

Aktaş, bal kişand ser operasyona li dijî Efrînê û wiha pê de çû: “Raydaran digotin dê çend rojan de bikevin Efrînê û ji wir jî dê yeha Minbiç, Kobanê, Reqqa û Hesekê biçin. Ev gotin û pratîkên wan ên ji hev nagirin, dê her tişt ne hêsan be û encamên neyênî bi xwe re bîne. Em nikarin behsa pêşdeçûneke startejîk bikin.”

 

‘ATME DI KONTROLA HTŞ  Û EL NUSRA DE YE' 

 

Aktaş, di dewama axaftina xwe  de wiha got: “Cara yekemin sala 2014’an, min Qempa Atme ya li ser sînor Bukulmez a Reyhanliyê kir mijara nûçeyê û nûçeyeke bi ser navê ‘Deriyê razdar ê ji bo El Kaîdê’ nivîsand. Qempa Atme di salên 2011 û 2012’an de hat  avakirin. Di vê qampê alîkariya mirovî  û  lojîstîkê ji bo çeteyên OSO, El Nusra, DAIŞ û Ahrar’uş Şam tên dayîn. Qampeke din a bala raya giştî nakêşe qempa Kemmure ya li Cilvegozê ya ser sînorê Bab el-Hava hatiye avakirine.  Berî do sana qampa Kemmur hat avakirin. Bi giştî endamên çeteyên selefî-cîhatçî yên ji navenda Helebê, li vê qampê kom bûne. Tê gotin ku çeteyên Ahrar’uş Şam ên li vê qampê dijîn, beşdarî êrîşên li ser Efrînê dibin.”

 

PROJEYA AKP’Ê TÊK ÇÛYE

 

Aktaş, di dawiya axaftina xwe de wiha got: “Tirkiye piştî AKP’ê ji bo pirsgirêkên AKP’ê afirandin derbas bike dê pêvajoyeke bi krîz derbas bike. Şerê Sûriyeyê ligel hemû êrîşên Erdogan û hikûmeta wê AKP jî, ber bi dawî ve diçe. Êdî projeya hikûmeta AKP’ê têk çûye û ne mûmkîne dirêjtir ber dewam bike.”